Luka 7:21 - MUMA MALER 2015

²¹ E sa nogo, Yesu nochango ji mang’eny man gi tuoche mopogore opogore, kendo man gi jochiende maricho, bende noyawo wang’ muofni.

Motingʼo Loko Manyien

²¹ E sa nogono Yesu nochango ji mangʼeny mane nigi tuoche, midekre kod chunje maricho, kendo nomiyo muofni mangʼeny oneno.

Luka 7:21 ပူးပေါင်းရင်းမြစ်များ

1 Ruodhi 8:37

“Ka kech kata dera mar tho marach nie piny, kata ka cham orochore ewi dongo, kata ka bonyo kata kungu nitie, kata ka wasigu olworo dala moro, kata ka tho kata tuo manade nitie,

Tim jo-Lawi 14:48

“To ka jadolo odhi morango odno kendo oyudo ni gino ok oselandore bang’ mwone, to nong’ad wach ni odno osepwodhi, nikech gima rachno orumo.

Mathayo 4:23

Yesu nowuotho e piny Galili duto, ka puonjo ji e utgi mag lemo. Nolando Wach Maber mar Loch Nyasaye, kendo nochango ji duto man gi tuoche mopogore opogore.

Mathayo 4:24

Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.

Mariko 3:10

Ne oyudo osechango ji mang’eny ahinya, omiyo ji matuo nosiko ka riyore, mondo gichop ire, gimule.

Mariko 5:29

Kamano, nomulo law Yesu, kendo gikanyono rembe nochok, mi ong’eyo e chunye ni osechango.

Mariko 5:34

Eka Yesu nowachone niya, “Nyara, yieni ema omiyo ichango. Dhiyo gi kue, kendo ibed mangima chuth.”

Luka 7:20

Kamano kane gichopo ir Yesu, ne giwachone niya, “Johana Jabatiso oorowa mondo wapenji ka in e jal monego obi, koso pod warit ng’at machielo?”

Jo-Hibrania 12:6

nikech ng’ama Ruoth ohero ema okumo. Adier, yawuote duto moyiego ema ochwado.”