Luka 6:6 - MUMA MALER 2015

⁶ Chieng’ Sabato machielo, Yesu nodhi e od lemo, mopuonjo ji. Ng’ato ne ni kanyo ma lwete korachwich otal.

Motingʼo Loko Manyien

⁶ Chiengʼ Sabato machielo nodhi ei sinagogi kendo nopuonjo, to ngʼato ne ni kanyo ma lwete korachwich notal.

Luka 6:6 ပူးပေါင်းရင်းမြစ်များ

1 Ruodhi 13:4

Kane ruoth Jeroboam owinjo wach mane ng’at Nyasaye okuong’ogo kendo-mar-misango man Bethel, nogolo bade e misango, mosiemo ng’atno, kowacho niya, “Makeuru!” To bede mane osiemogo ng’atno notal, mi ne ok onyal dole kendo.

Zekaria 11:17

Masira ochomo jakwath manono ma jwang’o rombeno! Ligangla biro lwar e bade kendo e wang’e ma korachwich, mi bade tal, kendo wang’e ma korachwich nokethre chuth.”

Mathayo 4:23

Yesu nowuotho e piny Galili duto, ka puonjo ji e utgi mag lemo. Nolando Wach Maber mar Loch Nyasaye, kendo nochango ji duto man gi tuoche mopogore opogore.

Luka 13:10

Chieng’ Sabato moro, Yesu ne puonjo e od lemo moro.

Luka 14:3

Yesu nopenjo jopuonj Chik kod jo-Farisai ni, “Chikwa oyie mondo ochang ji chieng’ Sabato, koso ok oyie?”

Luka 4:16

Bang’e Yesu nodhi Nazareth, kuma ne odongoe, kendo chieng’ Sabato, ne odhi e od lemo, kaka ne ojatimo. Nochung’ mondo osom Muma,

Luka 4:31

Bang’e Yesu nodhi dala mar Kapernaum e piny Galili, mi opuonjo ji kuno chieng’ Sabato.

Luka 6:1

Chieng’ Sabato moro, kane Yesu wuotho e puothe mag ngano, jopuonjrene nochako jako wi ngano, kendo dunyo e lwetgi ka gichamo.

Luka 6:5

Eka nowachonigi niya, “Wuod Dhano en ruodh Sabato bende.”

Johana 5:3

Ji mang’eny matuo, kaka muofni, gi rang’onde, kod pudhe, ne nindo e agolnigo [Ne girito mondo pi otugre,

Johana 9:16

Jo-Farisai moko nowacho ni, “Ng’at mane otimo kamano ok nyal bet ng’at Nyasaye, nikech ok orito Chik Sabato.” To moko nowacho ni, “Bende ng’at ma jaricho ditim honni ma kamagi adier?” Kamano ne gipogore kuom wachno chutho.