Luka 6:48 - MUMA MALER 2015

⁴⁸ Ochalo gi ng’at ma, kane gero ot, to okunyo bur matut, nyaka ewi lwanda, eka oketo mise. Bang’e ohula nobiro, momwomore kuom odno, to ne ok nyal muke, nikech nogere motegno.

Motingʼo Loko Manyien

⁴⁸ Ochalo gi ngʼat manogero ot, mane okunyo bur matut nyaka e lwanda kendo noketoe mise, kane koth ochwe ma pi opongʼo piny, apaka mogingore nogoyo odno to ne ok onyal yienge, nikech nogere motegno.

Luka 6:48 ပူးပေါင်းရင်းမြစ်များ

2 Samuel 22:2

“A Ruoth Nyasaye, in e lwandana, kendo ohingana.

2 Samuel 22:32

Ere Nyasaye moro, mak mana Ruoth Nyasachwa? Koso ere lwanda moro, mak mana Nyasachwani?

2 Samuel 22:47

Ruoth Nyasaye nitie. En e lwandana! Pakeuru! Ee, odend nying Nyasacha, ma lwanda mar resruokna.

2 Samuel 22:5

Tho notaga ka apaka kodwaro tera kaka ohula.

2 Samuel 23:3

Nyasach Jakobo, lwanda mar Israel, oseloso, kowacho niya, ‘Ka ruoth rito ji gi bura makare, nikech oluoro Nyasaye,

Zaburi 32:6

Mano omiyo ji duto moluori onego olami ka gin e chandruok. Kamano, ka ohula maduong’ mwomore ka biro, to ok noywergi.

Zaburi 62:2

En kende e lwandana kendo jawarna. Adier, en e kar konyruokna, omiyo ok anyal yiengni.

Zaburi 95:1

Biuru wapak Ruoth Nyasaye gi wer. Waweruru gi mor ni jaritwa kendo jawarwa!

Ngeche 10:25

Kalausi tero joricho kuma bor. Joma kare to ogurore motegno nyaka chieng’.

Isaya 26:4

Genuru kuom Ruoth Nyasaye nyaka chieng’, nikech Ruoth Nyasaye owuon en lwanda mosiko.

Isaya 28:16

To koro Ruoth Nyasaye wacho kama: “Winjuru! Abiro keto kidi mar mise e Sayun, mondikie ni, ‘Ng’ama oyie ok norikni.’ En kidi motegno, moyier, ma nengone tek, momako kor ot.

Isaya 59:19

Kamano ji man yo podho chieng’ gi joma ni yo wuok chieng’ noluor nying Ruoth Nyasaye, kod duong’ne maler, nimar enobi ka aora ma mwomore, ma much Ruoth Nyasaye ema tero.

Nahum 1:8

kendo oresogi e ohula ma raywoyi. Joma opiem kode to otieko chuth, kendo oriembogi koterogi e mudho.

Luka 6:47

Koro adwaro nyisou kaka ng’at mobiro ira, mi owinjo wachna kendo omako, chalo.

Luka 6:49

To ng’at mowinjo wachna, to ok omako, chalo gi ng’at mane ogero agera ot e lowo, to ok oketo mise motegno. Kane ohula omwomore kuom odno, to opodho mana gikanyono. Mano kaka noruombre piny matek!”

Johana 16:33

Asenyisou wechegi duto mondo kubedo kuoma, to uyud kue. Unune malit e piny, to beduru modhil, nimar an aseloyo piny!”

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Jo-Efeso 2:20

Un bende osegeru ewi mise mane joote kod johul wach moa kuom Nyasaye oketo, ka Kristo owuon ema obedo kidi motegno moriwo kor ot.

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Rapar mar Chik 32:18

Wigi nowil gi Lwanda ma nochweyogi! Ne ok giparo Nyasaye ma nomiyogi ngima.

Rapar mar Chik 32:31

To adier, lwanda mar wasikwa ok chal gi Lwandawa, kata mana wasikwa bende ong’eyo kamano.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

2 Petro 1:10

Emomiyo owetena, temuru matek moloyo mondo unyis ni oseluongu kendo oseyieru adier. Ka utimo kamano, to ok unuchwanyru.

1 Johana 2:28

Adier nyithinda, sikuru kuome mondo ka chieng’ moro ofwenyore, to wabed gi chir, ka waonge gi gima dimi wiwa kuodi e nyime.

Juda 1:24

Wapakuru Jal manyalo ritou mondo kik upodhi, kendo manyalo miyo uchung’ e nyim duong’ne maler kumor kendo kuonge ketho.

1 Samuel 2:2

Onge nyasaye moro maler machal gi Ruoth Nyasaye, nikech onge moro, to mana en kende. Bende onge lwanda moro, machal gi Nyasachwa