Luka 6:35 - MUMA MALER 2015

³⁵ To un nyaka uher wasiku, kendo utimnigi maber, bende nyaka uhol giu ka ok ugeno ni didwoknugi. Eka unuyud pod maduong’ kendo unubed nyithind Ngama Duong’ Moloyo. En ong’won ni joma ok gone erokamano, bende ong’won ni joricho.

Motingʼo Loko Manyien

³⁵ To heruru wasiku, timnegiuru maber, kendo holgiuru ka ok ugeno ni ubiro yudo gimoro bangʼe. Eka poku biro bedo maduongʼ kendo ubiro bedo yawuot Nyasaye Man Malo Moloyo, nikech ongʼwon gi jogo ma ok dewe kendo jomaricho.

Luka 6:35 ပူးပေါင်းရင်းမြစ်များ

Zaburi 112:5

Ng’at makonyo ji gi chuny maler, kendo matiyo tijene e yo modimbore, en jahawi!

Zaburi 145:9

Otimo maber ni ji duto, kendo okecho gik moko duto mane ochueyo.

Zaburi 37:26

Kinde duto ong’won kendo oholo ji mabup. Mano ema omiyo nyithinde oguedhi.

Zaburi 58:11

Bang’e ji nowach niya, “Kara nitie pok ma joma kare yudo! Adier, nitie Nyasaye mang’ado ni piny bura!”

Ngeche 19:17

Ka imiyo jachan gimoro, to ichalo ng’at ma holo Ruoth Nyasaye, nikech Ruoth Nyasaye nodwoknigo.

Ngeche 22:9

Ng’at mang’won to noyud gueth, nikech opogo chiembe ni jochan.

Mathayo 5:9

“Jothek gin johawi, nikech noluonggi ni nyithind Nyasaye.

Mariko 5:7

koywak matek niya, “Yaye! Yesu Wuod Nyasaye Maduong’ Moloyo! Ilaro ang’o koda? Kuong’rina gi nying Nyasaye ni ok nisanda.”

Luka 1:32

Enobed gi duong’, kendo noluonge ni Wuod Nyasaye Maduong’ Moloyo. Ruoth Nyasaye nokete ruoth kar Daudi kwar mare,

Luka 6:36

Omiyo beduru mang’won mana kaka Wuonu ng’won.

Johana 13:35

Ka uheroru kamano, to ji duto biro ng’eyo ni un jopuonjrena adier.”

Johana 15:8

Ka unyago olemo mang’eny, to umiyo Wuora duong’. Kamano unyiso ni un jopuonjrena.

Tich Joote 14:17

To kata kamano timbe mabeyo mane osebedo kotimo ema nyisou kite kaka chal, nikech okelonu koth moa e polo kendo omiyo chambu chiek e kinde mowinjore. Kamano omiyou chiemo, kendo opong’o chunyu gi mor.”

2 Jo-Korintho 8:9

Ung’eyo ng’wono mar Ruodhwa Yesu Kristo, ni kata ne en gi mwandu mogundho kamano, to nodoko jachan nikech un, mondo un ubed jomwandu kuom chan mare.

2 Timotheo 3:2

Ji nobed joma oherore kendgi giwegi, kendo ma ohero pesa. Ginibed joma wuorore kendo ma jong’ayi, kendo ma yanyo ji. Bende ok giniwinj jonywolgi, bende ok ginibed joma goyo erokamano, kata joma oluoro Nyasaye.