Luka 6:25 - MUMA MALER 2015

²⁵ “Mano kaka unune malit, un joma oyieng’ e ndalogi, nimar kech nokau! “Mano kaka unune malit, un joma nyiero e ndalogi, nimar unubed mokuyo kendo unuywagi!

Motingʼo Loko Manyien

²⁵ Okwongʼu un joma yiengʼ maber e kindeni, nimar unudeny. Okwongʼu un jogo manyiero sani, nimar ubiro kuyo kendo ywak.

Luka 6:25 ပူးပေါင်းရင်းမြစ်များ

Zaburi 49:19

to pod obiro mana dhi kuma kwerene duto nitie, ma mudho osikoe nyaka chieng’.

Ngeche 14:13

Bwonjo mar ng’ato nyalo pando parruok manie chunye, to ka morne orumo to chunye odong’ mana ka lit.

Ngeche 30:9

nimar ka abedo gi chiemo mathoth, to dipo ka akwedi, to bende ka an jachan, to dipo ka akwelo, mi aketho nyingi, yaye Nyasaye.

Eklesiastes 2:2

Ne afwenyo ni nyiero en mana fuwo, kendo ni mor ma kamano ok kony gimoro.

Eklesiastes 7:3

Kuyo ber moloyo nyiero. Chutho, onyalo miyo wang’i bed mojuol, to kata kamano, omiyo riekoni bedo mabith.

Eklesiastes 7:6

nimar nyiero mar ng’at mofuwo onge tiende kata matin, to chalo mana gi kudho mararni e mach.

Isaya 28:7

To koro jotend Jerusalem duto bende gin jomer. Jodolo mage kod jonabine mer kendo kwang’ nikech kong’o makech, omiyo gitimo gik mofuwo. Gitagore ataga ka gineno fweny, kata ka ging’ado bura.

Isaya 65:13

Kuom mano, an Ruoth Nyasaye, awacho niya: Jotichna nochiem, to un unudeny, kendo ginimodhi, to un riyo nohewu. Bende ginibed mail, un to unuyud wichkuot.

Isaya 8:21

Ginikadhi e piny ka githagore kendo ka gidenyo. Kamano igi nowang’, mi giyany ruodhgi kendo Nyasachgi.

Isaya 9:20

Ng’at achiel biro mecho konchiel, to pod nodeny adenya, kendo ng’at machielo biro mwonyo gik moko komachielo, to ok noyieng’ ngang’. Moro ka moro biro chamo ringre nyithinde, bende onge ma nowe owadgi mak ochamo.

Amos 8:10

Anami sewni mau lokre ywak mar tho, kendo wendeu mag mor nolokre dengo. Anami urwak pien gugru uduto, kendo uliel wiu. Unuchal joma ywago wuodgi ma miderma, kendo chieng’no nobed malit adier.”

Nahum 1:10

Giduto giniwang’ pep mana ka kudho mochoki, kata ka tiang’ motwo.

Luka 12:20

To Nyasaye nowacho ni ng’atno niya, ‘In ng’at mofuwo! Otieno ma kawuononi ang’ nokaw chunyi! To koro gik misekanogo duto biro konyi gang’o?’ ”

Luka 13:28

“Mano kaka unuyuagru malit, kumwodo laku, ka uneno Ibrahim gi Isaka kod Jakobo kod jonabi duto e Piny Ruoth Nyasaye, to un oriembu oko.

Luka 6:24

“To mano kaka unune malit, un jomwandu, nimar useyudo poku!

Luka 6:26

“Mano kaka unune malit ka ji duto pakou, nimar kwereu nopako jonabi mag miriambo mana kamano.

Luka 8:53

To giduto ne ginyiere anyiera, nikech ne ging’eyo ni nyathi osetho.

Jo-Efeso 5:4

kendo tim ma kuodo wich, kata twak mofuwo, kata oyuma, bende ok owinjore. To moloyo onego ugo mana erokamano ni Nyasaye,

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.

Jakobo 4:9

Koro ma e kinde ma onego ubedie gi kuyo, kuywak kendo ugoyo nduru. Ber mondo nyiero munyierogo olokre ywak, kendo mor ma un-go olokre kuyo.

Fweny 3:17

Iwacho ni in jamoko man gi mwandu mathoth, kendo onge gima ichando, to ikia ni in ng’at machandore moloyo. In ng’at modhier chuth ma jachan, Kendo in muofu bende in duk.

1 Samuel 2:5

Joma ne yieng’ koro tiyo ni jomoko mondo oyud chiemo, to joma ne denyo koro yieng’. Dhako ma migumba onywolo nyithindo abiriyo, to en ma nyithinde ng’eny odong’ nono.