Luka 6:11 - MUMA MALER 2015

¹¹ To mirima mager nomako jogo, mi gichako pimo wach ka giparo gima digitim ni Yesu.

Motingʼo Loko Manyien

¹¹ To negikecho kendo negichako wuoyo ngʼato gi ngʼato kuom gino ma digitim ni Yesu.

Luka 6:11 ပူးပေါင်းရင်းမြစ်များ

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Mathayo 16:7

To ne gichako wacho e kindgi giwegi ni, “Owacho kamano nikech ne ok wabiro gi makati.”

Mathayo 21:45

Kane jodolo madongo gi jo-Farisai owinjo ngechenego, ne ging’eyo ni owuoyo mana kuomgi.

Luka 4:28

Kane ji mane nie od lemo owinjo wechego, mirima mager nomakogi giduto.

Luka 6:10

Eka norangogi giduto, mowacho ni ng’atno ni, “Rie lweti.” Ng’atno notimo kamano, mi lwete ochango.

Luka 6:12

E kindeno, Yesu nowuok odhi ewi got moro mondo olem, moriyo kuno otieno duto, kolamo Nyasaye.

Johana 11:47

Omiyo jo-Farisai kod jodolo madongo noluongo buchgi maduong’, mi openjore ni, “Ng’atni timo timbe madongo mang’eny! Wan to watimo ang’o?

Johana 7:1

Bang’ mano, Yesu nowuotho koni gi koni ka puonjo e piny Galili. Ne ok odwa dhi Judea nikech jodong jo-Yahudi ne dwaro nege.

Tich Joote 26:11

Kuom ndalo mang’eny namiyo osandgi e ut lemo duto, ka atemo mondo ami giyany Yesu. Ne ager kodgi marach, mi ne adhi koda ka e mier mag pinje mamoko mondo asandgi kuondego.

Tich Joote 4:15

Kuom mano ne giwacho ni Petro gi Johana mondo owuog oko e od bura, eka ne gichako pimo wach ka gipenjore ni,

Tich Joote 4:19

To Petro gi Johana ne joduokogi niya, “Un ema nyaka ung’ad wach uwegi kata ka en gima kare winjou moloyo winjo Nyasaye,

Tich Joote 5:33

Kane jobura owinjo kamano, mirima mager nomakogi, mi ging’ado wach mondo oneg joote.

Tich Joote 7:54

Kane jobura owinjo weche Stefanogo, igi nong’ondore, mi gikayo lakgi ka mirima ohewogi kode.

2 Timotheo 3:9

To ok ginidhi nyime, nikech fupgi nofwenyre e lela e nyim ji duto, mana kaka fup Janes gi Jambre bende ne ofwenyore.