Luka 5:30 - MUMA MALER 2015

³⁰ Jo-Farisai kod jopunjgi mag Chik nong’ur ni jopuonjre Yesu, kapenjo niya, “Ere gima omiyo uchiemo kendo umetho gi jasol osuru kod jorichogi?”

Motingʼo Loko Manyien

³⁰ To jo-Farisai gi jopuonj chik margi ne ngʼur ni jopuonjrene niya, “Angʼo momiyo uchiemo kendo metho gi josol osuru kod joricho?”

Luka 5:30 ပူးပေါင်းရင်းမြစ်များ

Isaya 65:5

Giwacho ni ji mamoko niya, ‘Kik usud machiegni kodwa, bende kik umulwa, nimar waler moloyou.’ Joma kamago gin mach maliel aliela ma ok tho, ma iche thing’a odiechieng’ duto.

Mathayo 5:46

Ka uhero mana joma oherou kende, to ere pok ma uparo ni duyudi? Donge kata josol osuru bende timo mana kamano?

Mathayo 9:11

Jo-Farisai moko noneno kamano, mi openjo jopuonjrene ni, “Ere gimomiyo japuonju chiemo gi josol osuru kod joricho?”

Mariko 2:16

Jopuonj Chik moko ma jo-Farisai bende noluwe, to kane gineno kochiemo gi joricho kod josol osuru, ne gipenjo jopuonjrene niya, “Ere gima omiyo ochiemo gi josol osuru kod joricho?”

Mariko 7:3

nimar jo-Farisai kaachiel gi jo-Yahudi mamoko duto luwo tim kweregi. Ok ginyal chiemo ka ok gilogo e yo ma chikgi dwaro.

Mariko 9:16

Yesu nopenjo jopuonjrene ni, “Ang’o ma uminone wach gi jogi?”

Luka 18:11

Ja-Farisai nochung’ kar kende, mi olemo niya, ‘A Nyasaye, agoyoni erokamano, nikech ok achal gi jomoko duto, ma jomecho kendo jagang wach kendo ma joma terore. To bende ok achal gi jasol osuruni.

Luka 19:7

To kane ji oneno kamano, ne ging’ur, ka giwacho ni, “Osedhi bedo wendo jaricho!”

Luka 5:17

Chieng’ moro kane Yesu puonjo, jo-Farisai moko kod jopuonj Chik mane oa e mier duto mag Galili gi Judea kod Jerusalem ne obet kanyo. Yesu ne nigi teko mar Ruoth mondo ochanggo ji.

Luka 5:21

Jopuonj Chik kod jo-Farisai nochako wuoyo e kindgi giwegi ni, “Ma to ng’a, mayanyo Nyasaye kamani? Ere ng’ama nyalo weyo ni ji richogi, mak mana Nyasaye kende?”

Luka 7:34

To ka koro Wuod Dhano obiro, kachiemo kendo metho, to uwacho niya, ‘Neyeuru jali! En jawuoro, kendo jamer, bende en osiep josol osuru kod joricho!’

Luka 7:39

To kane ja-Farisai mane oluongo Yesu e odeno oneno kamano, nowacho e chunye niya, “Ka da ng’atni en janabi adier, to da ong’eyo ni dhako ma muleni en ng’a! Bende dong’eyo ni en jaricho.”

Tich Joote 23:9

Koko nomedore, kendo moko kuom jopuonj Chik manie kanyakla mar jo-Farisai nochung’ mowuoyo matek kawacho niya, “Ok wane gima rach kuom ng’atni! Dipo ka Roho kata malaika owuoyo kode!”