Luka 5:22 - MUMA MALER 2015

²² Yesu nong’eyo paro ma gin-go, omiyo nopenjogi niya, “Ang’o momiyo uparo kamano?

Motingʼo Loko Manyien

²² Yesu nongʼeyo gima negiparo kendo nopenjogi niya, “Angʼo momiyo uparo gigi e chunyu?

Luka 5:22 ပူးပေါင်းရင်းမြစ်များ

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

Zaburi 139:2

Ing’eyo gik moko duto ma atimo. Adier, ing’eyo parona duto gi kuma bor!

Ngeche 15:26

Ruoth Nyasaye mon gi paro maricho, to weche mang’won long’one.

Isaya 66:18

An Ruoth Nyasaye, ang’eyo timbegi kaachiel gi parogi, bende abiro choko ogendini duto, gi dhoudi mawacho dhok mopogore opogore, kendo ginibi mi gine duong’na maler,

Ezekiel 38:10

Ruoth Nyasaye nomedo wacho ni Gog niya, “Ka kindeno ochopo, to inibed gi paro marach.

Mathayo 12:15

Yesu nong’eyo gima ne gidwaro timo, omiyo noa e gweng’no. Ji ma thoth noluwe, kendo nochangogi duto,

Mathayo 12:25

Yesu nong’eyo gima giparo, omiyo nowachonigi niya, “Piny moro amora ma joge opogore e kindgi giwegi ok nyal betie. Bende dala kata ot ma joge opogore ok nyal chung’.

Mathayo 9:4

To Yesu nong’eyo gima giparo, omiyo nowachonigi niya, “Mar ang’o uparo gik maricho kamago e chunyu?

Mariko 8:17

Yesu nong’eyo gima giwacho, omiyo nopenjogi ni, “Ang’o momiyo uwacho ni uonge gi makati? Pok wach odonjonu, muwinjo tiend gik matimore? Koso pod parou odinore?

Luka 24:38

Nopenjogi niya, “Ang’o momiyo chunyu parore? Koso marang’o uriwo gi kiawa?

Luka 5:21

Jopuonj Chik kod jo-Farisai nochako wuoyo e kindgi giwegi ni, “Ma to ng’a, mayanyo Nyasaye kamani? Ere ng’ama nyalo weyo ni ji richogi, mak mana Nyasaye kende?”

Luka 5:23

Ere gima yot kuom weche ariyogi? Wacho ni, ‘Richoni oweni’ koso wacho ni, ‘Chung’ mondo iwuothi idhi’?

Tich Joote 5:3

To Petro nowachone niya, “Anania, ang’o momiyo iseweyo Satan opong’o chunyi mondo iwuond Roho Maler, kidong’ gi pesa moko mane ing’iewo puodho?

Jo-Hibrania 4:12

Wach Nyasaye ngima kendo tiyo, bende obith moloyo ligangla ma dhoge ariyo. Opowo chuny dhano, kendo odonjo nyaka iye mogik, kama opogoe paro gi chuny, kod fuoni gi ondhudho. Bende oketo bura ni paro kod dwaro manie chuny ng’ato.

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.