Luka 5:21 - MUMA MALER 2015

²¹ Jopuonj Chik kod jo-Farisai nochako wuoyo e kindgi giwegi ni, “Ma to ng’a, mayanyo Nyasaye kamani? Ere ng’ama nyalo weyo ni ji richogi, mak mana Nyasaye kende?”

Motingʼo Loko Manyien

²¹ Jo-Farisai gi jopuonj Chik nochako paro kendgi giwegi niya, “Mae to en ngʼa ma yanyo Nyasaye? Ere ngʼat manyalo weyone ngʼato richone makmana Nyasaye kende?”

Luka 5:21 ပူးပေါင်းရင်းမြစ်များ

Zaburi 103:3

En ema oweyona richona duto, kendo ochango tuochena pep.

Zaburi 130:4

To in ing’wononwa, omiyo waluori.

Zaburi 32:5

Bang’e ne ahulo richona e nyimi, kendo ne ok apando timbena mamono. Ne aneno ni ber mondo ahulni richona, mi iweyonagi duto.

Zaburi 35:5

Malaika mar Ruoth Nyasaye mondo oriembgi, mi gike ka mihudhi ma yamo tero.

Isaya 1:18

Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

Isaya 43:25

An kende e jal ma rucho richou oko, mi ok chak par kendo, nikech mano e gima ahero timo.

Isaya 44:22

Aserucho richou, mi oduono mana ka ong’ueng’o. Ee, asekeyo timbeu mamono mana ka boche polo. Duoguru ira, nikech asewarou.”

Daniel 9:19

A Ruoth Nyasaye winjwa, kendo iwenwa richowa. A Ruoth Nyasaye winjwa kendo ikonywa mak ideko, mondo ji duto ong’e ni in e Nyasaye, nimar dalani kod jogi gin magi.”

Daniel 9:9

In ijang’wono kendo iweyo ni ji richogi, kata obedo ni wan wasepiem kodi.

Tim jo-Lawi 24:16

Ng’at moyanyo nying Ruoth Nyasaye nyaka negi. Oganda jo-Israel nyaka goye gi kite motho. Bed ni en jadak kata ja-Israel ema ohulo nying malerno, nyaka nege.

Mika 7:19

Inichak ikechwa kendo, mi inyon richowa e tiendi, kendo inyumgi e bwo nam.

Mathayo 26:65

Kane jodolo maduong’ owinjo kamano, noyiecho lawe kowacho ni, “Oseyanyo Nyasaye! Koro ang’o momiyo pod wadwaro joneno? Ero, usewinjo kaka oyanyo Nyasaye!

Mathayo 9:3

To jopuonj Chik moko noparo e chunygi giwegi ni, “Jali yanyo Nyasaye!”

Luka 3:8

Timbeu ema mondo onyis ni useloko chunyu adier, to kik upar ni ubiro tony nikech un nyikwa Ibrahim, nikech awachonu adier ni Nyasaye nyalo kawo kitegi, mi lok nyikwa Ibrahim.

Luka 5:17

Chieng’ moro kane Yesu puonjo, jo-Farisai moko kod jopuonj Chik mane oa e mier duto mag Galili gi Judea kod Jerusalem ne obet kanyo. Yesu ne nigi teko mar Ruoth mondo ochanggo ji.

Luka 5:22

Yesu nong’eyo paro ma gin-go, omiyo nopenjogi niya, “Ang’o momiyo uparo kamano?

Luka 7:49

Ji mane chiemo kode nochako penjore niya, “Ma en ng’a maweyo koda ka richo ni jini?”

Johana 10:33

To jo-Yahudi nodwoke ni, “Ok wadwar goyi nikech gimoro maber misetimo, to wagoyi mana nikech ipiem gi Nyasaye, nimar in mana dhano, to eka iwacho ni in Nyasaye!”

Jo-Rumi 8:33

Ng’ano ma didonj ni joma Nyasaye oseyiero, ka Nyasaye ema osemiyo gibet e winjruok kode?