Luka 5:19 - MUMA MALER 2015

¹⁹ To ne ok ginyal yudo thuolo mar tere ei ot, nikech ji ne ng’eny ahinya. Omiyo ne giidho e tado mi gipowoe otuch. Eka ne gilore piny e dier ji, konindo e ng’angu e nyim Yesu.

Motingʼo Loko Manyien

¹⁹ To kane ok ginyal yudo yo mar timo kamano nikech oganda mane ni kode, negiidho ewi tado kendo powo wi tado, eka negilore gi par e dier oganda e nyim Yesu.

Luka 5:19 ပူးပေါင်းရင်းမြစ်များ

2 Samuel 11:2

Chieng’ moro kar sa ma dhok donjoe, Daudi noa e kitandane, ma noyudo oyueyoe, mowuotho ewi tat ode, mi nopo koneno dhako moro ka lwokore. Ne en dhako ma jaber ahinya.

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Mathayo 10:27

Gima awachonu e mudho, wachuru e lela, kendo gima okuodhnu e itu, to huluru ratiro.

Mathayo 24:17

Ka ng’ato nie wi tat ode, to kik olor mondo okaw gik manie ot odhigo.

Mariko 2:4

To ne ok ginyal chopo ir Yesu, nikech ji ne ng’eny ahinya. Mano omiyo ne gipowo otuch e tado kama ochomore gi Yesu. Eka ne giloro ng’atno piny, konindo e ng’angu.

Rapar mar Chik 22:8

“Ka igero ot, to nyaka iriw rageng’ e lak tado gi yo ka oko, mondo kik ng’ato podhi koa e wi tatino, mi kel bura mar remo kuom odi.

1 Samuel 9:25

Bang’e ne gilor gia e hembko, mi gidhi e dala, kendo ne gipedho ni Saulo kitanda ewi ot malo, monindo.