Luka 5:10 - MUMA MALER 2015

¹⁰ Jakobo gi Johana ma yawuot Zebedi mane jotiyo gi Simon bende nowuoro. To Yesu nowacho ni Simon niya, “Kik ibed maluor, nikech chakre kawuono, kar ywayo rech, to ji ema ibiro bedo kiywayo!”

Motingʼo Loko Manyien

¹⁰ Kamano, Jakobo gi Johana ma yawuot Zebedi mane jotiyo gi Simon bende nowuoro. Eka Yesu nowachone Simon niya, “Kik iluor; chakre tinendeni ibiro bedo jaywa ji.”

Luka 5:10 ပူးပေါင်းရင်းမြစ်များ

Mathayo 13:47

“To bende Loch Polo chalo gi tol mobol e nam, mamako kit rech duto.

Mathayo 14:27

To gikanyono Yesu nowuoyo kodgi, ka wacho niya, “Beduru gi kue! Kik ubed maluor, en mana an!”

Mathayo 20:20

Bang’e min yawuot Zebedi nobiro ir Yesu gi yawuote. Ne ogoyo chonge piny mondo okwaye gimoro.

Mathayo 4:19

Yesu nowachonigi niya, “Luwauru, mondo kar yuayo rech to atimu joywa ji.”

Mathayo 4:21

Kane oa kanyo modhi nyime, ne oneno owete mamoko ariyo, ma Jakobo gi Johana, yawuot Zebedi. Ne ginie yie gi wuon-gi, ka giloso tondegi. Yesu noluongogi,

Mariko 1:17

Ne owachonigi niya, “Luwauru mondo kar ywayo rech, to atimu joywa ji.”

Luka 5:7

Kuom mano, ne gigwelo jowetegi mane nie yie machielo mondo obi okonygi. Jogo nobiro, kendo ne gipong’o yiedhi ariyogo duto gi rech, ma koro ne gidwaro mana nimo.

Luka 5:9

Nowacho kamano nimar en kaachiel gi joma ne gin go dhogi nomoko nikech rech mang’eny mane gimako.

Luka 6:14

Ne gin: Simon ma bende ne ochako ni Petro, kod Andrea owadgi, kaachiel gi Jakobo gi Johana gi Filipo gi Bartholomayo

Johana 21:2

Simon Petro gi Thoma (mane onywol rude) ne jo nigi Nathaniel (ma ja-Kana Galili) gi yawuot Zebedi kod jopuonjre mamoko ariyo.

Tich Joote 2:4

Giduto Roho Maler nopong’ogi, mi gichako wuoyo gi dhok mopogore opogore, mana kaka Roho nomiyogi teko mar wuoyo.

2 Jo-Korintho 8:23

Tito to en jawuodha, kendo jatich wadwa e tich mwatiyonu. To owete mamoko ariyogo to gin joote mag kanyakla mag jo-Kristo, kendo gin joma kelo ni Kristo duong’.

2 Timotheo 2:26

kendo giyud rieko, mi gitony gia e obadho mar Satan, mosemakogi mondo gitim dwarone.