Luka 4:6 - MUMA MALER 2015

⁶ Nowachone ni, “Abiro miyi loch mag pinje duto gi dwong’gi nikech nomiyagi kendo anyalo miyogi ng’ama an ema ahero.

Motingʼo Loko Manyien

⁶ To nowachone niya, “Abiro miyi loch mag pinjegi duto gi duongʼ-gi, nimar osemiyagi, kendo anyalo chiwogi ne ngʼato angʼata, madwaro.

Luka 4:6 ပူးပေါင်းရင်းမြစ်များ

Isaya 23:9

Ruoth Nyasaye manyalo Gik Moko Duto ema osechano kelo masirano mondo otiek sunga mar joma ogen, kendo okel achaya kuom ji duto moluor ahinya e piny.

Isaya 5:14

Emomiyo piny joma otho ong’amo dhoge malach, ka dande oyawore, mondo omwonygo joma ogen kaachiel gi ji mamoko duto, e kinde ma gikokie gi mor.

Luka 4:7

Emomiyo kigoyo chongi piny milama, to magi duto nobed magi.”

Johana 12:31

Koro ing’ado bura ni pinyni, kendo jatende ibiro riemb oko.

Johana 14:30

Koro okabi wuoyo kodu mathoth, nikech jatend pinyni okayo machiegni. To oonge gi teko kuoma!

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

2 Jo-Korintho 11:14

To mano ok en gima bwogo ng’ato, nikech kata mana Satan bende riasore ni en malaika mar ler.

Jo-Efeso 2:2

E ndalogo, yore richo ema ne uwuothoe, kuluwo timbe mag pinyni. Ne uwinjo wach ruodh teko mar kind polo gi piny, ma en chuny ma koro tiyo kuom joma otamore yie kuom Nyasaye.

1 Petro 1:24

En mana kaka Muma wacho ni, “Dhano duto chalo gi lum, kendo duong’ duto ma en-go chalo gi thiepe lum. Lum ner, kendo thiepe two.

1 Johana 5:19

Wang’eyo ni wan mag Nyasaye, to piny duto bende nie lwet Ng’ama Rach.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 13:2

To ondiek mane anenono ne chalo gi kwach, to tiendene ne chalo gi tiende dubu, kendo dhoge ne chalo gi dho sibuor. To thuol malichno nomiye tekone owuon gi kome mar duong’, mi obedo gi loch.

Fweny 13:7

Bende noyiene mondo oked gi jo-Nyasaye kendo ologi, kendo ne omiye teko kuom dhoudi duto.