Luka 4:28 - MUMA MALER 2015

²⁸ Kane ji mane nie od lemo owinjo wechego, mirima mager nomakogi giduto.

Motingʼo Loko Manyien

²⁸ Ji duto mane ni e sinagogi ne mirima mager omako kane giwinjo wechegi.

Luka 4:28 ပူးပေါင်းရင်းမြစ်များ

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

Jeremia 38:6

Kuom mano ne gikawo Jeremia, mi ginyumo e soko jaduong’ Malkia, mane nie laru mar od jorit. Sokono ne onge pi, mak mana chuodho, omiyo ne gilore piny, e iye gi tonde, mi onyumore e chuodho.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Luka 4:27

Bende ne nitie jodhoho mang’eny e Israel e ndalo janabi Elisha, to onge kata achiel kuomgi mane ochangi, mak mana Naaman ja Siria.”

Luka 4:29

Ne gichung’, mi gichwalo Yesu gigolo oko e dala, ka gitere e wi got kama ne ogerie dalagi, mondo gidhire piny kathirathira,

Luka 6:11

To mirima mager nomako jogo, mi gichako pimo wach ka giparo gima digitim ni Yesu.

Tich Joote 5:33

Kane jobura owinjo kamano, mirima mager nomakogi, mi ging’ado wach mondo oneg joote.

Tich Joote 7:54

Kane jobura owinjo weche Stefanogo, igi nong’ondore, mi gikayo lakgi ka mirima ohewogi kode.