Luka 4:27 - MUMA MALER 2015

²⁷ Bende ne nitie jodhoho mang’eny e Israel e ndalo janabi Elisha, to onge kata achiel kuomgi mane ochangi, mak mana Naaman ja Siria.”

Motingʼo Loko Manyien

²⁷ Bende ne nitie ji mangʼeny e Israel mane nigi dhoho e kinde mar Elisha janabi to onge kata achiel mane opwodhi makmana Naaman ja-Siria kende.”

Luka 4:27 ပူးပေါင်းရင်းမြစ်များ

Ayub 21:22

Bende dhano dipuonj Nyasaye adier? Koso bende doyal Ng’ama Duong’ Moloyo?

Ayub 33:13

Ere gima omiyo iwacho ni Nyasaye ok winj kwayo mar dhano?

Ayub 36:23

Onge ng’ama nyalo nyiso Nyasaye gima onego otim, kata manyalo kwere ni otimo marach.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Mathayo 12:4

Donge ne odhi e Od Nyasaye mi ochamo makati miketo e nyim Nyasaye, ma Chikwa okwero ni en kata joge kik cham, to mak mana jodolo kende?

Mathayo 8:3

Yesu norieyo lwete, momule, kawachone ni, “Ee, ayie! Changi, ibed mangima.” Gikanyono dhohone ne ochango.

Luka 4:28

Kane ji mane nie od lemo owinjo wechego, mirima mager nomakogi giduto.

Johana 17:12

Kane an kodgi, to ne aritogi gi teko mar nyingi mane imiya. Naritogi maber mi kata achiel kuomgi ne ok olal, mak mana jal mane ochunore ni nyaka lal mondo gima ondiki e Muma otimre.