Luka 4:22 - MUMA MALER 2015

²² Jogo duto nopwoye ahinya, kendo ne giwuoro weche mang’won mane wuok e dhoge, mi gipenjore ni, “To donge jali en wuod Josef?”

Motingʼo Loko Manyien

²² Ji duto nowuoyo maber kuome kendo negiwuoro ahinya weche mag ngʼwono manowuok e dhoge. Negipenjo niya, “Donge ngʼatni en wuod Josef?”

Luka 4:22 ပူးပေါင်းရင်းမြစ်များ

Zaburi 45:2

In e ng’at ma jaberie moloyo ji duto, kendo in e jatwak mong’ith. Omiyo Nyasaye oseguedhi nyaka chieng’.

Zaburi 45:4

Dhi adhiya kiidho farasi, kirwakori gi lep duong’, mondo ilo, kendo ikel adiera gi muolo kod bura makare. Tekoni maduong’ biro miyo itimo timbe madongo!

Ngeche 10:32

Ng’at makare ong’eyo gima onego owachi e sa mowinjore. Joricho to pile wacho gik machwanyo ji.

Ngeche 16:21

Ng’at man gi paroo iluongo ni ng’ama riek, kendo wechene mamit gin mana puonj.

Ngeche 25:11

Wach mowachi maber e kinde mowinjore chalo gi gimoro maber, molos gi dhahabu, moket ei adita mochue gi fedha.

Eklesiastes 10:12

Weche ma ng’at mariek wacho, kelone luor. Ng’at mofuwo to tiekore kende owuon gi wechene.

Wer Mamit 5:16

Mano kaka dhoge ber nyodho, kendo gimoro amora man kuome berna! Koro un nyi Jerusalem, mano e kaka jaherana chalo.”

Isaya 50:4

Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Luka 2:47

Ji duto mane owinjo wechene ne ohum nono kuom riekone kod duokone.

Luka 2:48

Jonywolne nowuoro konene, mi min mare nopenje niya, “Nyathina, marang’o itimonwa kamano? Wasebet kwadwari gi wuoru, kwaparore ahinya!”

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Luka 4:21

Nowachonigi niya, “Tinendeni, wach musewinjo kisomonuno ochopo kare.”

Johana 1:45

Filipo noyudo Nathaniel, mowachone niya, “Wasenwang’o jal mane Musa ondiko kuome e Kitap Chik, kendo mane jonabi bende ondiko kuome. En Yesu, wuod Josef, ja-Nazareth.”

Johana 6:42

To ne gipenjore ni, “Jali ok e Yesu wuod Josef koso? Donge wang’eyo wuon mare? To ere kaka onyalo wacho ni olor oa e polo?”

Johana 7:46

To ne gidwoko niya, “Pok wanenoe ng’at mawuoyo ka ng’atni!”

Tich Joote 6:10

To Roho Maler nomiyo Stefano rieko mang’eny, omiyo kane oloso, to ne ok ginyal loye.

Tito 2:8

To ka iwuoyo, to wach mana weche maradier ma ji ok nyal chayo ni ofuwo, mondo okuod wi jasigu, maonge gima rach mowacho kuomwa.