Luka 4:20 - MUMA MALER 2015

²⁰ Kane Yesu nosesomo wechego, noumo kitabu, mi odwoko ni jatich od lemo. Eka nobet piny mondo opuonji, kendo ji duto mane ni e od lemo ne jochomo wang’gi kuome.

Motingʼo Loko Manyien

²⁰ Eka noumo kitabuno, mi nochiwe ni jatich, kendo nobedo piny ka wenge ji duto e sinagogi ne ngʼiye matek,

Luka 4:20 ပူးပေါင်းရင်းမြစ်များ

Mathayo 26:55

Sa nogo Yesu nowacho ni oganda mane obirono niya, “Ere gima omiyo ubirona gi ligengni kod arunge, ka joma dwaro jamecho? Pile yande abet ka apuonjo e Hekalu, to ne ok umaka.

Mathayo 27:60

eka nokete e bur manyien, mane osekunyo ariwa e kor lwanda. (En bur mane oloso mondo chieng’ moro oyikee, kotho.) Bang’e nong’ielo kidi maduong’ moloro dho bur, mi oa odhi.

Luka 19:48

To ne ok ginyal yudo yo mar timo kamano, nikech ji duto nosiko kawinjo puonjne, ka ok gidwar ni mondo kata mana wach achiel okadh mak owinjo.

Luka 4:17

mi omiye kitap janabi Isaya. Ne oelo kitabu, mosomo kama ondikie niya,

Luka 4:21

Nowachonigi niya, “Tinendeni, wach musewinjo kisomonuno ochopo kare.”

Luka 5:3

Yesu nodonjo e yie achiel, mane mar Simon, mi okwayo Simon mondo osiaye matin, oa e dhowath. Eka nobet ei yieno, mopuonjo ji.

Johana 8:2

Kinyne gokinyi mang’ich, noduogo modonjo e Hekalu, kendo ji duto nochokore bute. Nobet piny, mochako puonjogi.

Tich Joote 16:13

Chieng’ Sabato ne wawuok e dalano, mi wadhi e bath aora kuma ne waparo ni nitie kar lemo mar jo-Yahudi. Ne wabet piny, mi wawuoyo gi mon mane oyudo ochokore kanyo.

Tich Joote 3:12

Kane Petro oneno kamano, nopenjo ji niya, “Un jo-Israel, ang’o momiyo uwuoro wachni? Koso ere gima omiyo ung’iyowa mana ka gima wan ema wamiyo jali wuotho kuom tekowa wawegi, kata nikech walamo Nyasaye maber?