Luka 3:9 - MUMA MALER 2015

⁹ Kata mana kawuono le oseketi e tiend yien, omiyo yien duto ma ok nyag olemo mabeyo ibiro tong’ oko, mi wit e mach!”

Motingʼo Loko Manyien

⁹ Le oseketi e tiend yiende, kendo yien ka yien ma ok nyag olemo mabeyo ibiro tongʼ mi go piny kendo witi e mach.”

Luka 3:9 ပူးပေါင်းရင်းမြစ်များ

Ezekiel 31:18

“Yadhno en ruodh Misri, kaachiel gi ogandane duto. Kuom yien duto mag Eden, onge moro marabora kendo ma mako wang’ moloye. To koro obiro dhi mwalo e Piny Joma Otho mana ka yiend Eden mamoko, mi obed gi joma kia Nyasaye, kod joma ne oneg e lweny. An Ruoth Nyasaye ema awacho kamano.”

Daniel 4:14

Ne okok gi duol maduong’ niya, ‘Ng’ad yadhno oko, kendo ilwer bedene gi obokene, mi ike olembene, mondo le oring oa e tipone, kendo winy bende oa e bedene.

Daniel 4:23

To bende nineno malaika ma jarit kaa e polo mowacho niya, ‘Ng’ad yadhni oko, mi ikethi, to osikine iwe kochung’ e lowo. Itueye alwora gi nyinyo kod mula, mi iwe kodong’ ei lum e pap kanyo. Kamano ng’atni mondo odag gi le e thim nyaka higni abiriyo, kendo tho omok kuome.’

Mathayo 3:10

Kata mana kawuono, le oseketi e tiend yien, omiyo yien duto ma ok nyag olemo mabeyo ibiro tong’ oko, mi wit e mach!

Mathayo 7:19

To yath ka yath ma ok nyag olemo mabeyo iting’o mi wit e mach.

Luka 13:6

Eka Yesu nogoyonigi ngero niya, “Ng’at moro ne nigi yadh ng’owo e puothe mar mzabibu. Chieng’ moro ne odhi rango ka doyud olemo kuome, to ne ok oyudo.

Luka 13:7

Eka nowacho ni jalos puodhono ni, ‘Koro kuom higni adekgi asebedo kabiro ka mondo ayudie olemo kuom ng’owoni, to ok aseyudo gimoro. Omiyo tong’e oko. Ere gimomiyo onego oketh lowo kayiem nono?’

Luka 13:9

Kamano, ka onyago olemo higa mabironi, to mano ber. To ka ok onyago, to koro eka nitong’e oko.’ ”

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

Jo-Hibrania 10:28

Ja-Yahudi moro amora machayo Chik Musa to inego ma ok okechi, ka nitie joneno ariyo kata adek manyalo hulo ni otimo kamano.

Jo-Hibrania 12:29

nikech Nyasachwa en mach ma tieko gik mowang’o duto.