Luka 24:6 - MUMA MALER 2015

⁶ Osechier! Oonge ka. Paruru gima ne owachonu kane pod en Galili, ni

Motingʼo Loko Manyien

⁶ Oonge ka; osechier! Paruru gima ne owachonu, kane pod en kodu Galili:

Luka 24:6 ပူးပေါင်းရင်းမြစ်များ

Mathayo 12:40

Kaka Jona nobet ei rech mang’ongo kuom ndalo adek, odiechieng’ gotieno, e kaka Wuod Dhano bende nobed ei lowo kuom ndalo adek, odiechieng’ gotieno.

Mathayo 16:21

Chakre kindeno, Yesu nochako nyiso jopuonjrene malong’o niya, “Nyaka adhi Jerusalem mondo jodongo gi jodolo madongo kod jopunj Chik osanda, kendo onega, to chieng’ mar adek anachier.”

Mathayo 27:63

“Ruoth, wanyalo paro ni kane jawuondno pod ngima, nowacho ni obiro chier bang’ ndalo adek.

Mathayo 28:6

to oonge ka, nimar osechier mana kaka nowacho. Biuru une kama nende onindoe,

Mariko 16:6

To wuowino nowachonigi ni, “Kik ubwogi. Ang’eyo ni udwaro Yesu ja-Nazareth manyocha ogur e msalaba. To osechier, oonge ka. Neuru! Kaeri e kama nyocha giketee.

Mariko 8:31

Bang’ mano, Yesu nochako puonjo jopuonjrene kawacho niya, “Wuod Dhano nyaka ne masiche mang’eny, kendo jodongo gi jodolo madongo kod jopuonj Chik nyaka dage. Enonege, to bang’ ndalo adek nochier.”

Luka 24:34

kawacho niya, “Ruoth osechier adier, kendo osefwenyore ni Simon!”

Luka 24:5

Mon-go nobwok ahinya, mosiko mana ka okulo wigi piny. To jogo nopenjogi niya, “Marang’o umanyo ng’at mangima e kind joma otho?

Luka 9:22

Bende nowachonigi niya, “Wuod Dhano nyaka yud masiche mang’eny, kendo jodongo gi jodolo madongo kod jopuonj Chik biro dage. Enonege, to chieng’ mar adek nochier.”

Luka 9:44

“Chikuru itu maber, mondo uwinj gima awachonuni; Wuod Dhano ibiro keto e lwet ji.”

Tich Joote 2:24

To bang’ thone, Nyasaye nochiere, morese kuom rem mar tho, nikech tho ne ok nyal tueye,

2 Jo-Thesalonika 2:5

Donge unyalo paro ni kane pod an kodu, to ne anyisou wachni?