Luka 24:51 - MUMA MALER 2015

⁵¹ To kane oyudo oguedhogi kamano, ne opogore kodgi, kendo noting’e malo odhi e polo.

Motingʼo Loko Manyien

⁵¹ Kane ogwedhogi, noweyogi kendo nokawe motere e polo.

Luka 24:51 ပူးပေါင်းရင်းမြစ်များ

2 Ruodhi 2:11

To kane pod giwuotho, kendo giwuoyo, gari mar mach gi farese mag mach nobiro, mopogogi, kendo Elija noidho gi kalausi nyaka e polo.

Mariko 16:19

Kane Ruoth Yesu osewuoyo kodgi kamano, ne otere e polo, mi obet e bat korachwich mar Nyasaye.

Luka 24:50

Eka nogologi Jerusalem, moterogi machiegni gi Bethania, mi noting’o lwete moguedhogi.

Luka 24:52

Ne gilame, to bang’e ne gidok Jerusalem ka gimor ahinya,

Johana 20:17

To Yesu nowachone ni, “We maka, nikech pok aidho adhi ka Wuora, to dhiyo ir owetena, mondo iwachnigi ni, an aidho adhi ka Wuora ma bende Wuonu. Adier, adhi ka Nyasacha ma Nyasachu.”

Tich Joote 1:9

Kane osewacho kamano, ne otere malo e polo ka ging’iye mi olalnigi nono e bor polo.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 4:14

Emomiyo koro wamakuru yie ma wahulo matek, nikech wan gi Jadolo Maduong’ nosedhi nyaka e nyim Nyasaye. En Yesu Wuod Nyasaye.