Luka 24:39 - MUMA MALER 2015

³⁹ Neuru luetena gi tiendena, mondo ung’e ni en mana an! Mulauru, mondo une, nikech jachien onge gi ringruok kaka uneno an-goni!”

Motingʼo Loko Manyien

³⁹ Neuru lwetena gi tiendena. En an awuon! Mulauru kendo neuru; jachien onge ringruok kata choke, to an to uneno ka an-go.”

Luka 24:39 ပူးပေါင်းရင်းမြစ်များ

Eklesiastes 12:7

Ringrewa biro dok e lowo, kendo muya mar ngima biro dok ir Nyasaye mane omiyowago.

Kwan 16:22

To ne gipodho piny auma, ka giwacho niya, “A Nyasaye ma Nyasach ngima, bende mirima nyalo maki gi oganda duto mana nikech richo mar ng’ato achiel?”

Luka 23:46

Eka Yesu nokok matek niya, “Wuora, aketo chunya e lweti.” To kane osewacho kamano, chunye nochot.

Luka 24:38

Nopenjogi niya, “Ang’o momiyo chunyu parore? Koso marang’o uriwo gi kiawa?

Luka 24:40

Kane osewacho kamano, nonyisogi luetene gi tiendene.

Johana 20:20

Kane osemosogi kamano, nonyisogi luetene kod ng’etne, mi ne gidoko mamor kuom neno Ruoth.

Johana 20:25

Omiyo kane jopuonjre mamoko owachone ni giseneno Ruoth, to nowachonigi ni, “Ka ok aneno luetene kuonde mane musmal ochwowo, mi aketoe lith lweta e ng’etne, to ok anayie ngang’!”

Johana 20:27

Eka nowacho ni Thoma niya, “Kel lith leti ka, ine luetena. Lueti bende kel mondo iso e ng’etna. We bedo ng’at ma ok oyie, to bed ng’at man gi yie!”

Tich Joote 1:3

Kuom ndalo piero ang’wen bang’ thone, nofwenyorenigi, konyisore malong’o ni ongima. Ne ginene, kendo nonyisogi wach Loch Nyasaye.

1 Jo-Thesalonika 5:23

Nyasaye owuon ma wuon kue mondo omi ubed maler chutho, kendo orit chunyu gi ngimau kod ringreu, mondo ka Ruodhwa Yesu Kristo obiro, to ubed joma onge bura chuth.

Jo-Hibrania 12:9

To bende wuonewa mag pinyni ne kumowa, kendo ne wamiyogi luor kaka owinjore. To koro Wuonwa mar chuny dwami luor malich machal nadi mondo wayud ngima!

1 Johana 1:1

Wandikonu kuom Wach mar ngima, mosebetie a chakruok. Wasewinje kendo wasenene. Adier, wasenene gi wang’wa kendo lweta bende osemule.