Luka 24:20 - MUMA MALER 2015

²⁰ To jodolowa madongo kod jodongo nondhoge mondo ong’adne buch tho, mi nogure e msalaba.

Motingʼo Loko Manyien

²⁰ Jodolo madongo gi jodongwa nochiwe mondo ongʼadne buch tho, kendo negigure;

Luka 24:20 ပူးပေါင်းရင်းမြစ်များ

Mathayo 23:33

Un thuonde ma koth thuonde marichogi! Ere kaka uparo ni dutony e kum mar mach mak tho?

Mathayo 27:20

To noyudo jodolo madongo gi jodong oganda osesemo ji mondo okwa Pilato ogonynigi mana Baraba, to Yesu mondo onegi.

Mariko 15:1

Kane piny oru gokinyi mang’ich jodolo madongo nopimo wach piyopiyo gi jodongo gi jopuonj Chik kod jobura mamoko duto. Eka ne gitueyo Yesu, mi gitero e nyim Pilato.

Luka 22:66

Kane piny oyawore, jodong jo-Yahudi gi jodolo madongo kod jopuonj Chik nochokore, mi oter Yesu e buchgi.

Luka 23:13

Pilato noluongo jodolo madongo gi jodongo kod ji duto,

Tich Joote 2:23

Nyasaye nong’eyo chon ni ibiro chiwo Yesu e luetu, kendo kane oseng’ado wach ni obiro timo kamano, un to ema numiyo joma ok jo-Yahudi ogure e msalaba, mi onege.

1 Jo-Thesalonika 2:15

Jo-Yahudigo ema ne onego Ruoth Yesu kod jonabi maggi, kendo gin ema ne giriembowa oko. Ok gilong’o ni Nyasaye, bende gimon gi ji duto.