Luka 23:56 - MUMA MALER 2015

⁵⁶ Bang’e ne gidok Jerusalem, mi giloso mo mang’ue ng’ar kod yath madum mamit. Chieng’ Sabato to ne giyueyo kaka Chik Musa dwaro.

Motingʼo Loko Manyien

⁵⁶ Eka negidok dala kendo negiloso yath madum mamit gi mo mangʼwe ngʼar. To ne giyweyo Chiengʼ Sabato kaluwore kod luoro chik.

Luka 23:56 ပူးပေါင်းရင်းမြစ်များ

2 Weche mag Ndalo 16:14

Noyike e liende ma nokunyo e dala Daudi. Ne gikete e ng’ango mopong’ gi gik mang’ue ng’ar mane joma olony e tijno oseloso, kendo ne giloso mach mang’ongo ahinya ka gimiyego duong’.

Wuok 31:14

Kuom mano nyaka urit Sabato nikech en chieng’ moket mondo obednu maler. Ka ng’ato ok orite, to nyaka nege. Ng’ato ang’ata motiyo chieng’no nyaka ng’ad kare oko kuom jowetene.

Mariko 16:1

Kane chieng’ Sabato oserumo, Maria nyar Magdala gi Salome kod Maria min Jakobo ne jong’iewo mo mang’ue ng’ar mondo gidhi giwirgo ringre Yesu.

Luka 24:1

Gokinyi mang’ich, chieng’ Jumapil, mon-go nodhi e liel, koting’o gik mang’ue ng’ar mane giseloso.

Rapar mar Chik 5:14

to chieng’ mar abiriyo en chieng’ yueyo mowal ni Ruoth Nyasaye ma Nyasachu. Chieng’no un, kaachiel gi yawuotu kod nyiu, kata wasumbu machwo gi mamon, kata ruethu kata kenjeu kata dhou, kata mana jodak manie miechu kik ti tich moro. Mano en ni mondo wasumbu machwo gi mamon oyue kaka un bende uyueyo.