Luka 23:54 - MUMA MALER 2015

⁵⁴ Chieng’no ne chieng’ Ikruok, tiende ni tich abich, kendo Sabato ne okayo machiegni.

Motingʼo Loko Manyien

⁵⁴ Ne en Chiengʼ Ikruok kendo Sabato ne chiegni chakore.

Luka 23:54 ပူးပေါင်းရင်းမြစ်များ

Mathayo 27:62

To kinyne, mane en chieng’ maluwo bang’ chieng’ Ikruok, tiende ni chieng’ Sabato, jodolo madongo gi jo-Farisai nochokore modhi ir Pilato, mowachone niya,

Mariko 15:42

Kane koro piny ochopo odhiambo, kendo kaka ne en chieng’ Ikruok, tiende ni chieng’ motelo ni Sabato,

Luka 23:53

Kamano noloro ringre Yesu piny, moboyo gi nanga maber, eka nokete e bur mane osekuny ariwa e kor lwanda. Ne en bur manyien, mapok oyikie ng’ato.

Johana 19:14

Ne en chieng’ Ikruok, tiende ni chieng’ motelo ni Pasaka, kar sa auchiel. Pilato nowacho ni jo-Yahudi niya, “Neuru! Ruodhu e e!”

Johana 19:31

Ne en chieng’ motelo ni chieng’ Sabato. Omiyo jo-Yahudi nodhi mokwayo Pilato mondo oyienigi gitur tiend joma ne ogurgo, otho. Ne gikwayo kamano mondo gigol jogo oko e msalaba, kik ringregi bedi e msalaba chieng’ Sabato, nikech chieng’ Sabato ne en chieng’ maduong’.

Johana 19:42

Kanyo ema ne giketoe Yesu, nikech kinyne ne en chieng’ Sabato, to bende burno ne ni machiegni.