Luka 23:33 - MUMA MALER 2015

³³ Kane gichopo kama iluongo ni, ‘Hanga Wich’, ne giguro Yesu e msalaba, kaachiel gi joketho ariyogo, achiel e bathe korachwich, to machielo e bathe koracham.

Motingʼo Loko Manyien

³³ Kane gichopo kama iluongo ni kar Hanga Wich, negigure kanyo, kaachiel gi joketho, ka ngʼato achiel nitie e bathe korachwich, to ngʼat machielo e bathe koracham.

Luka 23:33 ပူးပေါင်းရင်းမြစ်များ

Zaburi 22:16

Joma richo oselwora, mana ka guogi moketa diere ka dwaro kaya. Gikidho lwetena gi tiendena.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Mathayo 20:19

mi gikete e lwet joma ok jo-Yahudi mondo ochare kendo ochwade mi gure e msalaba. To chieng’ mar adek nochiere.”

Mathayo 26:2

“Ung’eyo ni bang’ ndalo ariyo Sap Pasaka biro betie, kendo nondhog Wuod Dhano mondo ogur e msalaba,”

Luka 24:7

‘Wuod Dhano nyaka ket e lwet joricho, mi gur e msalaba, to chieng’ mar adek enochier.’ ”

Johana 18:32

Mano notimore mondo weche mane Yesu osewacho kokoro kit thone, ochopi.

Johana 3:14

“Kaka ne Musa ochungo thuond mula e thim, e kaka ibiro chungo Wuod Dhano bende,

Tich Joote 13:29

Kane gisetimone gik moko duto ma Muma wacho kuome, ne gilore piny e msalaba, mi gikete e bur.

Tich Joote 2:23

Nyasaye nong’eyo chon ni ibiro chiwo Yesu e luetu, kendo kane oseng’ado wach ni obiro timo kamano, un to ema numiyo joma ok jo-Yahudi ogure e msalaba, mi onege.

Tich Joote 5:30

Un ne unego Yesu, kuguro e msalaba, to Nyasaye ma Nyasach kwerewa nochiere oa kuom joma otho.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

Rapar mar Chik 21:23

to ringreno kik we kanyo otienono duto. Nyaka yike chieng’ onogo, mondo kik uketh piny ma Ruoth Nyasaye ma Nyasachu biro miyou ka mwanduu, nikech ng’at molier e yath okuong’ e nyim Nyasaye.

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.