Luka 23:27 - MUMA MALER 2015

²⁷ Oganda maduong’ noluwo Yesu, ka mon goyo nduru malit, kaywage.

Motingʼo Loko Manyien

²⁷ Ji mangʼeny noluwe, motingʼo mon bende mane ywak ka goyo nduru nikech en.

Luka 23:27 ပူးပေါင်းရင်းမြစ်များ

Zaburi 22:17

Chokena duto neno, kendo wasika duto ranga ka nyiera.

Mathayo 11:17

‘Nende wagoyonu thum, to ne utamoru miel. Bende ka nende wagoyonu nduru, to ne udagi ywak.’

Mathayo 27:55

Mon mang’eny bende ne ni kanyo, ka ng’icho gi chien. Ne gisebedo ka giluwo Yesu, ka gitiyone.

Mariko 15:40

Mon moko bende ne ni kanyo kang’icho gi chien. Kuomgi ne nitie Maria nyar Magdala, gi Salome, kod Maria min Jakobo matin gi Jose.

Luka 23:28

To Yesu nolokore, mowachonigi niya, “Un nyi Jerusalem, weuru ywaga, to ywagreuru mana un uwegi, kendo ywaguru nyithindu,

Luka 23:55

Mon mane oseluwo Yesu koa Galili, nodhi gi Josef moneno burno, kendo oneno kaka ne oketie ringre Yesu.

Luka 8:2

kaachiel gi mon moko mane osegolonigi jochiende maricho, kendo ochango tuochegi, kaka Maria, mane iluongo ni Magdala, mane osegolone jochiende abiriyo,

Luka 8:52

Ji duto mane ni kuno ne ywago nyathino malit, komako wigi, to Yesu nowachonigi niya, “Weuru ywak, nikech nyathi ok otho, to onindo aninda.”

Johana 16:20

Adier, adier, awachonu ni, unuywag kendo unuku, to piny nobed abeda mamor. Unuku, to kuyou nolokre mor.