Luka 22:63 - MUMA MALER 2015

⁶³ Joma ne rito Yesu nojare, kendo ogoye.

Motingʼo Loko Manyien

⁶³ Jogo mane rito Yesu nochako jare kendo goye.

Luka 22:63 ပူးပေါင်းရင်းမြစ်များ

Zaburi 22:13

Ging’amona dhogi ka sibuoche ma ruto, ka dwaro kidha.

Zaburi 35:25

Kendo kik iwe giwach kendgi niya, “Mano ber! Otimore mana kaka ne wadwaro!” Bende kik iwe giwach niya, “Waseloye.”

Isaya 49:7

Ruoth Nyasaye ma Ng’ama Ler, kendo ma Jawar Israel, wacho ni ng’at ma ji charo, ma ogendini nyono gi tiendgi, kendo ma misumba jotend piny, niya “Ruodhi nochung’ni, ka ikadho. Bende jodongo nokulreni piny nikech Ruoth Nyasaye. En Ruoth Nyasaye ma Ng’ama Ler mar Israel ma oseyieri.”

Isaya 52:14

Kaka ne ji mang’eny obwok ka onene, nikech rem malit oloko wang’e, mi odoko gima ok chal dhano,

Isaya 53:3

Ji ne ojare, kendo okwere. Ne ne ng’at ma neno chandruok, kendo mong’iyo gi rem. Adier, ne wajare, mi wakwane ka gima nono, ma, ka ng’ato oneno, to loko wang’e kucha.

Mika 5:1

Un jo-Jerusalem, ng’oluru dendu manyiso ni un gi kibaji, nimar wasikwa olworowa, kendo gigoyo lemb jatend Israel gi luth.

Luka 22:62

Mano omiyo Petro nowuok oko, moywak malit.

Johana 18:19

Jadolo maduong’ nopenjo Yesu wach kuom jopuonjrene, kendo kuom puonjne.

Johana 18:22

Kane Yesu osewacho wechego to askari moro mane ochung’ bute nothalo lembe, kawacho niya, “Mano e kaka inyalo dwoko jadolo maduong’ adier!”

Jo-Hibrania 12:2

Nyaka wachom wang’wa kuom Yesu ma jatendwa e yor yie, a chakruok nyaka giko. Ne oyie tho e msalaba, kochayo wichkuot mar tho ma kamano, nikech mor mane obiro yudo achien. To koro osebet piny e bat korachwich mar komduong’ mar Nyasaye.

1 Petro 2:23

Kane oyanye, to ne ok oyenyo, kendo kane oneno masira, to ne ok osiemo ng’ato, to nochiwore e lwet Jal mang’ado bura kare.