Luka 22:62 - MUMA MALER 2015

⁶² Mano omiyo Petro nowuok oko, moywak malit.

Motingʼo Loko Manyien

⁶² To nowuok odhiyo oko kendo noywak malit.

Luka 22:62 ပူးပေါင်းရင်းမြစ်များ

Zaburi 38:18

Ahulo richona, kendo ka aparogi, to kibaji ema goya.

Jeremia 31:18

“Awinjo jo-Israel ka ywagore niya, ‘A Ruoth Nyasaye ne wachalo gi ruedhi masilwende ma ok obo, to ne iboyowa, mi wapie. Dwogwa, to wabiro dwogo nikech in Ruoth Nyasachwa.

Ezekiel 7:16

Kata ka moko notony mi dhi e gode, ka akuche maluor, to ginitho kuro nikech richogi.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Mathayo 26:75

mi Petro noparo gima ne Yesu osewacho ni, “Kapok thwon gweno okok to nikweda didek.” Mano omiyo Petro nowuok oko, moywak malit.

Mathayo 5:4

“Joma okuyo gin johawi, nikech nohogi.

Mariko 14:72

Gikanyono thwon gweno nochako okok mar ariyo, mi Petro noparo wach mane Yesu osewachone ni, “Kapok thwon gweno okok diriyo, to nikweda didek.” Kane oparo wachno kamano, noywak malit.

Luka 22:61

Eka Ruoth Yesu nolokore mong’iyo Petro, mi Petro noparo wach mane osewachone ni, “Tinendeni, kapok thwon gweno okok, to ang’ nikweda didek.”

Luka 22:63

Joma ne rito Yesu nojare, kendo ogoye.

1 Jo-Korintho 10:12

Emomiyo, ng’at ma paro ni ochung’ motegno mondo otang’ kik opodhi.