Luka 22:33 - MUMA MALER 2015

³³ Petro nodwoke ni, “Ruoth, aikora dhi kodi e jela kata mana kar tho bende.”

Motingʼo Loko Manyien

³³ To nodwoke niya, “Ruoth, aikora dhiyo kodi e od twech kendo e tho.”

Luka 22:33 ပူးပေါင်းရင်းမြစ်များ

Ngeche 28:26

Ng’at mogeno kuom riekone owuon en ng’at mofuwo, to ng’at ma luwo puonj joma riek dhi nyime maber.

Jeremia 10:23

A Ruoth Nyasaye, ang’eyo ni ngima ng’ato ok nie tekone owuon, bende onge ng’ama nyalo yiero yore owuon.

Jeremia 17:9

“Ere ng’ama nyalo ng’eyo gima chuny dhano paro? Onge gima jamriambo kaka chuny dhano. En gi tuoche mang’eny ma ok nyal chango.

Mathayo 20:22

To Yesu nodwokogi niya, “Ok ung’eyo gima ukwayo! Uparo ni unyalo madho kikombe mar masira ma abiro madho?” Ne gidwoke ni, “Ee, wanyalo.”

Mariko 14:29

To Petro nowachone ni, “Kata ka ji duto oweyi, anto ok naweyi ngang’.”

Mariko 14:31

To Petro nokwer koramo ni, “Ok nakwedi ngang’, kata ka ochuno ni nyaka atho kodi.” Jopuonjre mamoko duto bende ne owacho mana kamano.

Luka 22:34

To Yesu nodwoke niya, “Petro awachoni ni thwon gweno ok ang’ nokog tinende kapok ikweda didek ni ok ing’eya.”

Luka 22:57

To Petro nokwer ni, “Nyako! Ok ang’eye.”

Johana 13:38

To Yesu nodwoke ka penje ni, “Bende diyie tho nikech an adier? Adier, adier, awachonu ni, ibiro kweda nyadidek, kapok thwon gweno okok.”

Tich Joote 21:13

To Paulo nodwokowa niya, “Utimo ang’o, kuywak kendo utemo mondo uneg chunya? An aseikora mondo otueya, kata mondo atho Jerusalem nikech nying Ruoth Yesu!”