Luka 22:26 - MUMA MALER 2015

²⁶ To un ok uchal kamano. Ng’at maduong’ie moloyo kuomu nyaka bed ka ng’ama tinie moloyo, kendo jatelo nyaka bed ka jatich.

Motingʼo Loko Manyien

²⁶ To un ok onego ubed machal kodgi. Kar bedo kamano, to ngʼat maduongʼ moloyo e dieru onego obed kaka jal matinie moloyo, to ngʼat motelo obed machal gi ngʼatno matiyo.

Luka 22:26 ပူးပေါင်းရင်းမြစ်များ

Mathayo 20:26

Kuomu to, ok nobed kamano. To ka ng’ato kuomu dwaro bedo gi duong’, to nyaka obed jatichu,

Mariko 10:43

Kuomu to, ok en kamano. To ka ng’ato kuomu dwaro bedo gi duong’, to nyaka obed jatichu,

Mariko 9:35

Yesu nobet piny moluongo joote apar gariyo, mi owachonigi niya, “Ka ng’ato dwaro doko jatelo, to nyaka obed chien ni ji duto, kendo nyaka obed jatich ji duto.”

Luka 9:48

Eka nowachonigi niya, “Ng’ama orwako nyathi ma kama e nyinga, to orwako mana an, kendo ng’ama orwaka, to orwako mana Jal mane oora, nimar ng’at matinie moloyo kuomu duto, e ng’at maduong’ie moloyo.”

Jo-Rumi 12:2

Kik uluw timbe mag pinyni, to lokreuru mondo parou odok manyien, eka ubiro ng’eyo gik ma Nyasaye dwaro. Gin gik mabeyo kendo malong’o ma Nyasaye oyiego.

1 Petro 5:3

Kik utimru ruodhi ni jogo moketi e lwetu ka kueth mondo uriti, to nyaka udok nigi ranyisi maber.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”