Luka 22:22 - MUMA MALER 2015

²² Wuod Dhano biro tho mana kaka Nyasaye nochano. To mano kaka nobed malit ni ng’at mondhoge!”

Motingʼo Loko Manyien

²² Wuod Dhano biro dhi mana kaka ne osechiki, to ngʼat mandhoge none malit.”

Luka 22:22 ပူးပေါင်းရင်းမြစ်များ

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Mathayo 26:24

Wuod Dhano biro tho mana kaka Muma wacho, to mano kaka nodok malit ni ng’at ma biro ndhoge! Da obedo maber ni ng’atno ka dine ok onywole.”

Mathayo 27:5

Kane Judas owinjo kamano, nowito pesago e Hekalu, modhi odere.

Mariko 14:21

Wuod Dhano biro tho mana kaka Muma wacho, to mano kaka nodog malit ni ng’ama biro ndhoge! Da obedo maber ni ng’atno ka dine ok onywole!”

Luka 22:23

Eka ne gichako penjore kendgi ni en ng’a kuomgi ma ditim gima kamano.

Luka 24:46

kendo nowachonigi niya, “Ondiki e Muma ni Mesia nyaka sandi, mi chier kuom joma otho chieng’ mar adek,

Johana 17:12

Kane an kodgi, to ne aritogi gi teko mar nyingi mane imiya. Naritogi maber mi kata achiel kuomgi ne ok olal, mak mana jal mane ochunore ni nyaka lal mondo gima ondiki e Muma otimre.

Tich Joote 10:42

Ne omiyowa chik mondo waland ni ji Wachne, kwahulo ni en ema Nyasaye oseyiere jang’ad bura mar joma ngima gi joma otho.

Tich Joote 17:31

nimar oseketo chieng’ ma obiro miyo ng’at moseyiero ng’adoe bura gi adiera. Bende osenyiso ji duto malong’o ni obiro timo kamano, kuom chiero ng’atno a kuom joma otho.”

Tich Joote 2:23

Nyasaye nong’eyo chon ni ibiro chiwo Yesu e luetu, kendo kane oseng’ado wach ni obiro timo kamano, un to ema numiyo joma ok jo-Yahudi ogure e msalaba, mi onege.

1 Petro 1:11

Roho mar Kristo mane ni kuomgi nonyisogi chon masiche mane Kristo biro yudo, kod duong’ mane biro luwo masichego, omiyo ne gitemo manyo kinde mane gigo biro timore, kendo kaka gibiro timore.

2 Petro 2:3

Kuom gombo chamo gik malang’, jopuonj mag miriambo nokaw giu gi weche mag wuond. To jang’ad bura oseng’ado buchgi chon! Kum ema oritogi, kendo ng’ama biro tiekogi ok nindi!