Luka 22:18 - MUMA MALER 2015

¹⁸ nimar awachonu ni chakre kawuono ok nachak amadh divai nyaka chop Loch Nyasaye bi.”

Motingʼo Loko Manyien

¹⁸ Nimar awachonu, ok anamadh olemb mzabibu kendo nyaka chop pinyruoth Nyasaye.”

Luka 22:18 ပူးပေါင်းရင်းမြစ်များ

Zaburi 104:15

eka oyud divai ma miye mor, kod mor zeituni mamiyo obedo mail, kaachiel gi kuon mamiyo obedo motegno.

Wer Mamit 5:1

“Asebiro e puotha, yaye chiega ma jaherana. Achoko gik mang’ue ng’ar. Bende achamo mor kichna, kendo amadho divacha kod chaga.” “Ee, chiem, kendo meth ametha, nyaka chop hera meri.”

Isaya 25:6

Kamano Ruoth Nyasaye Manyalo Gik Moko Duto biro loso sawo mamit ni ji duto ewi got Sayun. Enobed sawo mar divai mochiek chuth, kendo modhing’ maber, kod chiemo mamit motimo mo.

Isaya 55:1

Winjuru! Un duto, ma riyo oloyo! Biuru mondo umodhi. Un joma onge gi chiemo, biuru ung’iew chiemo ucham. Ee, biuru ukaw akawa divai gi chak nono, ma ok uchulo gimoro.

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Zekaria 9:15

Ruoth Nyasaye Manyalo Gik Moko Duto ema nobed okumbagi mi ginilo lweny ka ginyono kite mag orujre piny. Ginigo koko ka joma omer, mi ginineg ji, mi rembgi chuer mana ka remb misango miolo gi tawo e tunge mag kendo-mar-misango.

Zekaria 9:17

Mano kaka gin gi mwandu mogundho kod mor maduong’! Cham gi divai biro miyo yawuotgi gi nyigi bed gi del mabeyo.

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Mathayo 26:29

Awachonu ni chakre kawuono ok nachak amadh divai ngang’ nyaka chop amadh divai manyien kodu e piny Wuora.”

Mariko 14:23

Bang’e ne okawo kikombe kendo ka ne osegoyo ni Nyasaye erokamano, nomiyogi mi gimethoe giduto.

Mariko 14:25

Adier awachonu ni, chakre kawuono ok nachak amadh divai ngang’ nyaka chop amadh divai e piny Ruodh Nyasaye.”

Mariko 15:23

Ne gimiye divai moruw gi yath makueyo rem miluongo ni manemane mondo omadhi, to ne odagi madho.

Mariko 9:1

Nomedo wacho niya, “Adier awachonu ni nitie jomoko kuomu ka, ma ok notho kapok oneno Loch Nyasaye kobiro gi teko.”

Luka 21:31

Kamano bende, ka uneno ka gik ma asewachonugo timore, to unung’e ni Loch Nyasaye ochopo machiegni.

Luka 22:16

nimar awachonu ni ok nachak achame ngang’ nyaka chop time mogik e Piny Ruoth Polo.”

Luka 9:27

Adier awachonu ni, nitie jomoko kuomu ka, ma ok notho kapok oneno Loch Nyasaye.”

Jo-Kolosai 1:13

En ema ne oresowa e Loch mudho, mi oterowa e Loch Wuode mohero,

Jong’ad Bura 9:13

To yadh mzabibu nodwokogi niya, ‘Ere kaka dawe mzabibuna, ma miyo nyiseche kod ji mor, mondo abed ruodhu?’