Luka 21:27 - MUMA MALER 2015

²⁷ Eka Wuod Dhano nothinyre, kabiro e bor polo gi teko malich kod duong’ maler.

Motingʼo Loko Manyien

²⁷ To gie kindeno gibiro neno Wuod Dhano kabiro koa e bor polo gi teko kod duongʼ malich.

Luka 21:27 ပူးပေါင်းရင်းမြစ်များ

Daniel 7:13

Kane aleko gotienono ne aneno gima chalo dhano kabiro ei boche polo, mi oter ir ng’at ma nyaka nene.

Mathayo 24:30

“Bang’ mano ranyisi ma nyiso ni Wuod Dhano chiegni duogo nonenre e kor polo, mi ogendini duto manie piny noywagre, kendo ginine Wuod Dhano kabiro e boche polo gi teko kod duong’ maler.

Mathayo 25:31

Bang’ mano Yesu nowacho niya, “Ka Wuod Dhano obiro e duong’ne maler, kaachiel gi malaika duto, to nobedi e kom lochne man gi duong’,

Mathayo 26:64

Yesu nodwoke ni, “Ero, isewacho, to awachonu ni chakre kawuono, ubiro neno Wuod Dhano kobet e bat korachwich mar Nyasaye Ma Nyalo Gik Moko Duto, kobiro e boche polo.”

Mariko 13:26

Eka Wuod Dhano nothinyre, kabiro e boche polo gi teko malich kod duong’ maler.

Luka 21:26

Luoro nomi chuny ji ling’re nikech gik mabiro timore e piny, kendo teko momako sulue e polo bende noyiengni.

Fweny 1:7

Neuru, obiro gi boche polo, kendo ng’ato ka ng’ato nonene. Jogo mane ochwowe nonene, kendo ogendini duto mag piny nobed gi kuyo nikech en. Ber mondo obed kamano! Amin.

Fweny 14:14

Eka ne ang’icho mi aneno bor polo marachar, to ewi bor polono ne nitie gima obetie machalo gi dhano. Ne osidho osimbo mar dhahabu e wiye, kendo ne oting’o pala mar keyo mabith e lwete.