Luka 21:22 - MUMA MALER 2015

²² nimar mago nobed ndalo ma Nyasaye kumoe joge, mondo weche duto mondiki e Muma otimre.

Motingʼo Loko Manyien

²² Nimar ma e kinde ma kum bedoe mondo ochop kare gigo duto mane ondiki.

Luka 21:22 ပူးပေါင်းရင်းမြစ်များ

Isaya 34:8

nimar Ruoth Nyasaye oseketo chieng’ ma obiro chuloe kuor. Adier, oseketo higa ma nokumie jo-Edom kuom gima ne gitimo ni Sayun.

Isaya 61:2

Bende oseora mondo ahul ni ma e higa ma Ruoth Nyasaye biro guedhoe joge, kod chieng’ ma Nyasachwa biro chuloe kuor.

Isaya 63:4

Ne asechano chieng’ ma achuloe kuor, kendo higa ma aresoe joga osechopo.

Jeremia 51:6

Koro achulom kuor kendo akumo jo-Babulon, to ok onego negu nikech richogi, omiyo ringuru ua kuno, ukwo ngimau.

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Mathayo 1:22

Mago duto notimre mondo ochop wach mane Ruoth Nyasaye osemiyo janabi owacho niya:

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Rapar mar Chik 32:34

“Ruoth Nyasaye wacho niya, ‘Donge gigo duto okan maber e od kenona,

Rapar mar Chik 32:43

“Un polo, moruru kaachiel gi Ruoth Nyasaye. Un nyiseche duto, kulreneuru. Moruru un ogendini kaachiel gi joge, kendo malaika duto mag Nyasaye mondo opak tekone, nikech enochul kuor kuom remb jotichne, kokumo wasike kod joma ochaye. Enopwodh piny kaachiel gi joge.”

2 Petro 2:9

Kamano waneno ni Ruoth ong’eyo reso joma oluore kuom tem mochomogi, kendo ong’eyo keto joricho e kum nyaka chop Chieng’ Bura,

2 Petro 3:7

To Nyasaye osewuoyo bende ni, polo kod piny ma kawuono okan ni Chieng’ Bura, mondo mach obi otieki kaachiel gi ji duto ma ok oluoro Nyasaye.