Luka 21:20 - MUMA MALER 2015

²⁰ “Ka uneno ka ogend lweny olworo Jerusalem, to ng’euru ni kinde mikethee osechopo!

Motingʼo Loko Manyien

²⁰ “Ka uneno Jerusalem olwor kod ogend lweny, ubiro ngʼeyo ni kindene mar kethruok chiegni.

Luka 21:20 ပူးပေါင်းရင်းမြစ်များ

Daniel 9:27

Jatelono nolos winjruok motegno gi ji mang’eny kuom higni abiriyo, kendo nomi ji owe timo misengni kendo owe kelo chiwo kuom higni adek gi nus. Gima kuero makelo kethruok nobed ewi osuri mar Hekalu nyaka ng’at mane okete kanyo chopi e giko mane Nyasaye oketone.”

Mathayo 24:15

“Ka uneno Gima Kuero Makelo Kethruok, mane janabi Daniel owuoyo kuome, kochung’ e Hekalu,

Mariko 13:14

“Ka uneno Gima Kuero Makelo Kethruok kochung’ kama ok owinjore ochung’ie, to joma nie piny Judea nyaka ring dhi pondi e gode. (Ng’ama somo wachni mondo ong’e tiende!)

Luka 19:43

Ndalo nobi ma wasiki notimnie ageng’a koni gi koni kakunyoni bur alwora.

Luka 21:7

To ne gipenjo niya, “Japuonj, gigo notimre karang’o? Koso ang’o ma notimre manyisowa ni kindeno chiegni?”

Jo-Hibrania 11:30

Yie ema ne omiyo ohinga mar Jeriko opodho kane jo-Israel oseluore kuom ndalo abiriyo.

Jo-Hibrania 12:1

Emomiyo ka koro oganda mang’ongo mar joneno opie molworowa ka bor polo kama, to wan bende waweuru ting’ duto kod richo maduodowa, kendo waringuru matek, kwanano ni ng’uech moseketwae.