Luka 21:19 - MUMA MALER 2015

¹⁹ Omiyo timuru kinda, nimar mano e kaka unuyud ngima maradier.

Motingʼo Loko Manyien

¹⁹ Ka uchungo motegno to ubiro reso ngimau.

Luka 21:19 ပူးပေါင်းရင်းမြစ်များ

Zaburi 37:7

Bed gi kue e nyim Ruoth Nyasaye, kendo hori mos kirite. Kik iwe chunyi chandre nikech ji madhi maber, kata nikech joma timo timbe maricho.

Zaburi 40:1

Ne arito kony mar Ruoth Nyasaye gi kinda. Bang’e nochiko ite, mi owinjo ywakna.

Habakuk 3:16

Ka awinjo gigi to kibaji goya, kendo dhoga tetni. Chokena duto nyosore, kendo tiendena kirni ka luoro ohewa. Ahora mos, karito chieng’ ma masira biro makoe joma monjowa.

Mathayo 10:22

Ji duto nobed mamon kodu nikech an, to ng’ama otimo kinda nyaka giko ema nokwo.

Mathayo 24:13

To nga’ma otimo kinda nyaka giko ema nokwo.

Luka 8:15

To kodhi mane olwar e lowo maber, gin joma winjo wachno gi chuny makare kendo malong’o, kendo gimake matek, nyaka chop ginyagi.

Jo-Rumi 15:4

Adier, weche mane ondiki chon e Muma nondiki mondo opuonjwa, kendo mondo Muma omiwa kinda kendo ohowa, mi wabed gi geno.

Jo-Rumi 2:7

Joma osiko katimo maber, kendo dwaro pak gi duong’ moa kuom Nyasaye, kod ngima ma ok rum, nomi ngima ma nyaka chieng’.

Jo-Rumi 5:3

To ok mano kende! To wabedo mamor kata mana e masiche mwaneno, nikech wang’eyo ni masira kelo kinda,

Jo-Rumi 5:4

to kinda miyo ng’ato bedo gi chuny ma Nyasaye oyiego, kendo chuny ma kamano miyo ng’ato bedo gi geno.

Jo-Rumi 8:25

To ka wageno yudo gima pok waneno, to rit ma waritegono nyiso ni wan jokinda.

1 Jo-Thesalonika 1:3

E nyim Nyasachwa kendo Wuonwa, wiwa ok nyal wil gi timbe ma usetimo nikech yie ma un-go, gi tich matek musetiyo nikech hera ma ungo, kendo gi kinda ma unyisogo ni ugeno kuom Ruodhwa Yesu Kristo.

2 Jo-Thesalonika 3:5

Ruoth mondo omi chunyu omed hero Nyasaye, kendo ubed gi kinda machalo gi kinda mane Kristo nigo.

Jo-Hibrania 10:36

To timuru kinda mondo utim gima Nyasaye dwaro, mi uyud gima osesingore ni nomiu,

Jo-Hibrania 6:11

to wagombo ahinya mondo ng’ato ka ng’ato otim kinda nyaka giko, mondo uyud chutho gima ugeno.

Jo-Hibrania 6:15

Kuom mano, bang’ timo kinda, Ibrahim noyudo gima ne Nyasaye osesingorene.

Jakobo 1:3

nimar ung’eyo ni tem mitemogo yieu ema miyo ubedo gi kinda.

Jakobo 1:4

To nyaka utim kinda nyaka giko mondo ubed joma olony kendo makare chutho, ma ok urem e yo moro amora.

2 Petro 1:6

Rieko to jiwuru gi ritruok, to ritruok to ujiw gi kinda, to kinda ujiw gi luoro Nyasaye.

Fweny 1:9

An owadu Johana, an e achiel kodu e sand gi loch kod kinda ma wan-go kuom Kristo Yesu. Ne oketa e chula miluongo ni Patmo nikech nalando wach Nyasaye, kendo awuoyo kuom Yesu e lela.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

Fweny 14:12

Ka eri ema idwaroe kinda mar jo-Nyasaye, kendo ma ok we yie ma gin-go kuom Yesu!

Fweny 3:10

Ne amiyi chik ni mondo itim kinda, kendo iserito chiknano, omiyo an bende abiro riti e ndalo mar masira mabiro kwako piny ngima, mondo otemgo ji duto modak e piny.