Luka 20:42 - MUMA MALER 2015

⁴² ka Daudi owuon to owacho e kitap Zaburi niya, ‘Ruoth Nyasaye nowacho ni Ruodha ni, “Bed e bada korachwich ka,

Motingʼo Loko Manyien

⁴² Daudi owuon wacho maler e Kitabu mar Zaburi niya, “ ‘Ruoth Nyasaye nowachone Ruodha ni, “Bed e bada korachwich,

Luka 20:42 ပူးပေါင်းရင်းမြစ်များ

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Luka 20:43

nyaka chop aket wasiki obed raten tiendi.” ’

Luka 24:44

Nowacho nigi niya, “Magi e gik mane awachonu kapod an kodu, kane anyisou ni gik moko duto mondik kuoma e Chik Musa gi Kitepe Jonabi kod Zaburi nyaka timre.”

Tich Joote 1:20

Eka Petro nodhi nyime kawacho ni, “Wach ma awachonuno yudore e kitap Zaburi, ni, ‘Ode mondo olokre gunda, kendo ng’ato kik dagie,’ kendo ni, ‘Ng’at machielo mondo okaw tije.’

1 Jo-Korintho 15:25

nimar Kristo nyaka bed gi loch nyaka chop Nyasaye ket wasike duto e bwo tiende.

Jo-Hibrania 1:13

Nyasaye pok onyiso malaikane moro ni, “Bed e bada korachwich ka, nyaka chop aket wasiki obed raten tiendi.”

Jo-Hibrania 3:7

Onego watim mana gima Roho Maler wacho e Muma ni, “Winjuru dwond Nyasaye kawuono.