Luka 20:22 - MUMA MALER 2015

²² To koro, nyiswa ane ka Chikwa oyie mondo wagol osuru ni Kaisar, kata kik wagol?”

Motingʼo Loko Manyien

²² Bende en gima kare mondo wagol osuru ne Kaisar koso ok owinjore?”

Luka 20:22 ပူးပေါင်းရင်းမြစ်များ

Ezra 4:13

To ruoth, nyaka ing’e malong’o ni kapo ni gigero dalagino, mi gitieko ohingane, to ok ginigol osuru, kata golo chiwo, kata mana chulo gimoro amora, mi e gikone giniketh lochni.

Ezra 9:7

Chakre ndalo kwerewa nyaka chil kawuono, wasebedo joketho ahinya. Mano emomiyo ruodhi mag pinje mamoko osenegowa, kendo tueyowa kendo yako giwa, mi wasebedo gi wichkuot maduong’. Pod wasiko kamano kaachiel gi ruodhiwa kod jodolowa nyaka chil kawuono.

Nehemia 5:4

To jomoko bende ne singo puothegi mag cham gi mag mzabibu mondo giyud pesa ma digigolgo osuru ni ruoth.

Nehemia 9:37

Gik moko duto ma pinywani nyago dhi mana ni ruodhi miketo mondo otiwa nikech richowa. Gin gi teko kuom dendwa, kendo gitimo gima gihero ni jambwa, ka wan to wachandore malich.”

Mathayo 17:25

Petro nodwokogi ni, “Ee, ogolo.” To kane Petro odonjo e ot, Yesu ema nokwongo wuoyo kode, kapenje niya, “Simon, in iparo ang’o kuom wach golo osuruni? Joma nadi magolo osuru ni ruodhi mag pinyni? Gin jopinje ruodhigo, koso gin jopinje mamoko?”

Luka 20:21

Jombetrego nowacho ni Yesu niya, “Japuonj, wang’eyo ni gima iwacho kendo ipuonjo en adier. Bende wang’eyo ni ok iluoro wang’ ng’ato, kata dabed ni en ng’ama nadi, to ipuonjo yor Nyasaye gi adiera.

Luka 20:23

To Yesu noneno kaka gichikone obadho. Omiyo nowacho nigi ni,

Luka 23:2

mi gichako donjone kuno, ka giwacho niya, “Ne wanwang’o jali kapuonjo jowa marach, kokwerogi ni kik gigol osuru ni Kaisar, kendo kowacho ni en owuon en Mesia, tiende ni ruoth.”

Tich Joote 5:37

Bang’ mano, Judas ja-Galili nobiro e ndalo mikwanoe ji, mi oloko ji mathoth oluwe, to en bende nonege, mi joge oke.

Jo-Rumi 13:7

Miuru ng’ato ka ng’ato gima onego umiye, bed ni en osuru, kata luor, kata duong.’

Rapar mar Chik 17:15

to nyaka uket mana ng’at ma Ruoth Nyasaye ma Nyasachu noyiernu. Ng’at ma uketo ruothno nyaka bed mana ja-Israel wadu, to kik uket ng’at ma ok ja-Israel.