Luka 2:47 - MUMA MALER 2015

⁴⁷ Ji duto mane owinjo wechene ne ohum nono kuom riekone kod duokone.

Motingʼo Loko Manyien

⁴⁷ Ngʼato ka ngʼato manowinje nowuoro ngʼeyone kod dwokoge.

Luka 2:47 ပူးပေါင်းရင်းမြစ်များ

Zaburi 119:99

An gi paro matut moloyo jopuonjna, to nikech chikeni ema aparo.

Mathayo 13:54

mi odok dalagi. Ne opuonjo e od lemo, mi joma ne owinjo kaka opuonjo nowuoro, mopenjore niya, “Rieko ma kama, kod teko mar timo honnigi jali oyudo kure?

Mathayo 22:33

Kane ji owinjo wachno, ne giwuoro puonjne.

Mathayo 7:28

Kane Yesu osetieko wacho wechego duto, ji ne owuoro puonjne,

Mariko 1:22

Joma ne owinje kopuonjo, ne owuoro puonjne, nimar ne ok opuonj kaka jopuonj Chik puonjo, to ne opuonjo ka ng’at man gi teko.

Mariko 11:18

Jodolo madongo kod jopuonj Chik nowinjo wachno, omiyo ne gidwaro yo ma diginegego, nimar ne giluore, nikech ji duto ne wuoro puonjne.

Mariko 6:2

Kane chieng’ Sabato ochopo, nochako puonjo e od lemo. Ji mang’eny nochokore kanyo, kendo kane giwinjo kaka opuonjo, ne giwuoro ahinya, mi gipenjore niya, “Ere kuma ng’ani oyudoe wechegi duto? Mano rieko manade momiyeno? Ere kaka otimo honnigi duto?

Luka 2:18

Ji duto mane ni kanyo nowuoro ahinya, kowinjo weche mane jokwath owachonigi.

Luka 2:46

Bang’ ndalo adek, ne ginwang’e e Hekalu, kobet e dier jopuonj jo-Yahudi, kowinjo puonjgi, kendo openjogi weche.

Luka 4:22

Jogo duto nopwoye ahinya, kendo ne giwuoro weche mang’won mane wuok e dhoge, mi gipenjore ni, “To donge jali en wuod Josef?”

Luka 4:32

Ne giwuoro kaka opuonjo, nikech wechene ne nigi teko.

Johana 7:15

Jodong jo-Yahudi nowuoro, kawacho ni, “Ere kuma ng’atni oyudoe rieko makama, to ok osomo?”

Johana 7:46

To ne gidwoko niya, “Pok wanenoe ng’at mawuoyo ka ng’atni!”