Luka 2:40 - MUMA MALER 2015

⁴⁰ Nyathino nodongo, modoko motegno. Ne en gi rieko mathoth, kendo hap Nyasaye ne ni kode.

Motingʼo Loko Manyien

⁴⁰ To nyathino nodongo kendo nobedo motegno; nopongʼ kod rieko, kendo ngʼwono mar Nyasaye ne ni kuome.

Luka 2:40 ပူးပေါင်းရင်းမြစ်များ

Zaburi 22:9

To yaye Ruoth Nyasaye, in ema ne igola e ich, kendo ka ne pod atin, to in ema ne irita.

Zaburi 45:2

In e ng’at ma jaberie moloyo ji duto, kendo in e jatwak mong’ith. Omiyo Nyasaye oseguedhi nyaka chieng’.

Luka 1:80

Nyathi ma Johana nodongo, modoko motegno e chunye, kendo nodak e thim nyaka nochopo chieng’ mane owuok, monyisoree ratiro e nyim jo-Israel.

Luka 2:47

Ji duto mane owinjo wechene ne ohum nono kuom riekone kod duokone.

Luka 2:52

Yesu nodongo, kendo riekone nomedore ahinya, ka Nyasaye gi ji medo bedo mamor kode.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Tich Joote 4:33

Joote nomedo lando wach gi teko maduong’ ka nyiso ji ni Ruoth Yesu osechier, kendo giduto ne giyudo gueth mogundho.

Jo-Efeso 6:10

To wach mogik en ni, beduru motegno kuom Ruoth, kendo kuom tekone maduong’.

2 Timotheo 2:1

Omiyo in nyathina, bed motegno kuom ng’wono ma wan-go kodi, ka wan kuom Kristo Yesu.

Jong’ad Bura 13:24

Bang’e dhakono nonywolo nyathi ma wuowi, mochako ni Samson. Nyathino nodongo Mahane-dan, manie kind Zora gi Eshtaol. Ruoth Nyasaye noguedhe,

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.

1 Samuel 2:21

Ruoth Nyasaye noparo Hana, mi nonywolo yawuowi adek gi nyiri ariyo. To nyathi ma Samuel nodongo e nyim Ruoth Nyasaye.

1 Samuel 2:26

To nyathi ma Samuel nodongo, kendo Ruoth Nyasaye gi ji nomedo bedo mamor kode.

1 Samuel 3:19

Kane Samuel dongo, Ruoth Nyasaye ne ni kode, kendo weche duto mane okoro, Ruoth Nyasaye ne ochopo kare.