Luka 2:37 - MUMA MALER 2015

³⁷ to bang’e nobet chi liel nyaka odoko ja higni piero aboro gang’wen. Ne osiko komiyo Nyasaye duong’ e Hekalu odiechieng’ gotieno, kotueyo chiemo kendo olemo.

Motingʼo Loko Manyien

³⁷ eka nodoko dhako ma chwore otho nyaka koro ne en ja-higni piero aboro gangʼwen. Ne ok oa e hekalu to nolemo otieno gi odiechiengʼ, kotweyo chiemo kendo olamo.

Luka 2:37 ပူးပေါင်းရင်းမြစ်များ

Zaburi 22:2

A Nyasacha, aywakni godiechieng’ to ok idwoka. Gotieno bende aywak to ok ayud kue.

Zaburi 23:6

Adier, berni gi ng’wononi nobed koda ndalo duto mag ngimana, kendo nadag e odi nyaka chieng’.

Zaburi 27:4

Asekwayo Ruoth Nyasaye gimoro achiel kende, kendo mano ema adwaro moloyo; adwaro dak e ode kuom ngimana duto, mondo ane ber mare kendo alame e Hekalu mare.

Zaburi 84:10

Odiechieng’ achiel ma ng’ato obedogo e Hekalu mari, ber moloyo ndalo gana gi gana mobedogo kamoro nono. Ber mondo achung’ kata mana e dhoranga od Nyasacha, moloyo dak e miech joricho.

Zaburi 84:4

mano kaka joma odak e Hekalu mari gin johawi! Pile gipaki gi wer.

Zaburi 92:13

Gichalo gi yien mopidhi e od Ruoth Nyasaye, ma dongo maber e Hekalu mar Nyasachwa.

Wuok 38:8

Nolenyo mula mag rangi mane okawo kuom mon mane tiyo e dho Hemb Romo, mi olosogo karaya mar lwok kod rachungine.

Luka 5:33

Ji moko nowacho ni Yesu niya, “Jopuonjre Johana tueyo chiemo pile kendo lemo. Jopuonjre mag jo-Farisai bende timo kamano. To jopuonjreni to chiemo achiema kendo metho!”

Tich Joote 13:3

Eka ne gimedo lemo, kendo gitueyo chiemo, bang’e ne giyieyo lwetgi kuom Barnaba gi Saulo, mi giweyogi gidhi.

Tich Joote 14:23

Ne giketo jodongo ni kanyakla duto mag jo-Kristo, kendo kane giselemo, kendo gitueyo chiemo, ne giketogi e lwet Ruoth mane koro giseyie kuome.

Tich Joote 26:7

En singruok ma dhoudi apar gariyo duto mag ogandawa geno ni noyudi, ka gilemo odiechieng’ gotieno. To koro ruoth, en mana wach genono ema omiyo jo-Yahudi odonjona!

1 Timotheo 5:5

Chi liel hiehie en chi liel modong’ kende, maonge watne moro, en ogeno mana Nyasaye, kendo osiko kolemo, kendo osayo Nyasaye odiechieng’ gotieno.

Fweny 3:12

To ng’at molocho anami bed siro e Hekalu mar Nyasacha, mi ok nochak owuog kanyo kendo nyaka chieng’. Anandik nying Nyasacha kuome, kod nying dala mar Nyasacha, ma en Jerusalem manyien, mabiro lor kaa e polo kuom Nyasacha. Nyinga maler bende nandik kuome.

Fweny 7:15

Mano emomiyo gin e nyim kom duong’ mar Nyasaye, ka gilame odiechieng’ gotieno e Hekalune, kendo Jal mobet e kom duong’ biro dak kodgi.

1 Samuel 2:2

Onge nyasaye moro maler machal gi Ruoth Nyasaye, nikech onge moro, to mana en kende. Bende onge lwanda moro, machal gi Nyasachwa