Luka 2:27 - MUMA MALER 2015

²⁷ Roho Maler notero Simeon nyaka e Hekalu, kendo kane jonywol Yesu okelo nyathigi e Hekalu mondo otimne kaka chik dwaro,

Motingʼo Loko Manyien

²⁷ Roho notelone motere ei hekalu. Kane jonywol okelo nyathigi ma Yesu mondo otimne gino ma Chik dwaro,

Luka 2:27 ပူးပေါင်းရင်းမြစ်များ

Jeremia 32:11

Eka ne akawo barua modin mane oting’o weche duto mag winjruok kod mano mane ok odin,

Mathayo 4:1

Bang’ mano, Roho notero Yesu nyaka e thim, mondo Satan oteme.

Luka 2:22

Kane kinde ochopo mondo Josef kod Maria jopuodhre kaka chik Musa dwaro, ne gikawo Yesu, mi gitero Jerusalem, mondo gichiwe ni Ruoth Nyasaye,

Luka 2:28

Simeon nokawe moriwe e bade, mi odendo Nyasaye kowacho niya,

Luka 2:41

Higa ka higa, jonywol Yesu ne dhi Jerusalem e Sawo mar Pasaka.

Luka 2:48

Jonywolne nowuoro konene, mi min mare nopenje niya, “Nyathina, marang’o itimonwa kamano? Wasebet kwadwari gi wuoru, kwaparore ahinya!”

Luka 2:51

Eka noa kodgi, mi gidok Nazareth, kendo ne odak kodgi kuno komiyogi luor. To min mare nokano gik moko duto mosetimore e chunye.

Luka 4:1

Yesu noa Jordan kadok thurgi kopong’ gi Roho Maler. Roho ne telone e thim koni gi koni

Tich Joote 10:19

To paro Petro ne pod oyudo ni kuom fweny mane oseneno cha, to Roho ne onyise ni, “Ji adek moko dwari.

Tich Joote 11:12

kendo Roho nonyisa mondo adhi kodgi mak ariwo gi kiawa. Owete auchiel ma jo-Jopa ma unenogi, bende ne wadhigo, mi waduto ne wadonjo e od Kornelio.

Tich Joote 16:7

Kane gichopo e tong piny Musia, ne gidwaro donjo e piny Bithunia, to Roho mar Yesu ne ok oyienegi.

Tich Joote 8:29

Roho Maler nowachone Filipo niya, “Dhiyo iwuoth e bath garino.”

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

Fweny 1:10

To chieng’ Ruoth, Roho ne omaka, mi awinjo dwol maduong’ maywak ka tung’ ka wuoyo gi yoka ng’eya.

Fweny 17:3

Bang’e Roho nomaka, mi malaika nokawa motera e thim, kuma nanenoe dhako moro koidho ondiek makwar. Nying mag ayany nondik e dend ondiegno duto, kendo ne en gi wiye abiriyo kod tunge apar.