Luka 2:24 - MUMA MALER 2015

²⁴ Bende ne gidhi mondo gitim misango mar akuch odugla ariyo kata nyithi akuru ariyo, kaka chik Ruoth dwaro.

Motingʼo Loko Manyien

²⁴ kendo kitimo misango koluwore gi gima owachi e Chik mar Ruoth Nyasaye ni mondo ochiw: “akuch odugla ariyo kata nyithi akuru ariyo.”

Luka 2:24 ပူးပေါင်းရင်းမြစ်များ

Tim jo-Lawi 1:14

Ka ng’ato chiwo winyo mondo otimgo ni Ruoth Nyasaye misango miwang’o pep, to nyaka ochiw mana akuch odugla kata nyathi akuru.

Tim jo-Lawi 12:2

ni mondo onyis jo-Israel kama: Ka dhako omako ich mi onywolo nyathi ma wuowi, to enobed mogak kuom ndalo abiriyo, mana kaka obedo mogak ka en e due.

Tim jo-Lawi 5:11

Ka ng’ato ok nyal kata mana chiwo akuch odugla ariyo kata nyithi akuru ariyo kuom richone, to nyaka ochiw kilo ang’wen mag mogo mayom mondo otimgo misango mar golo richo. To kik oolie mo, kata kik oketie ubani, nikech en misango mar golo richo.

2 Jo-Korintho 8:9

Ung’eyo ng’wono mar Ruodhwa Yesu Kristo, ni kata ne en gi mwandu mogundho kamano, to nodoko jachan nikech un, mondo un ubed jomwandu kuom chan mare.