Luka 2:15 - MUMA MALER 2015

¹⁵ Kane malaika oseweyo jokwath modok e polo, jokwath nowacho e kindgi giwegi niya, “Wadhiuru Bethlehem mondo wane ane gima osetimore, ma Ruoth osenyisowani.”

Motingʼo Loko Manyien

¹⁵ Kane malaika noseweyo jogi kendo dhiyo e polo, jokwath nowacho kendgi niya, “Wadhiuru Bethlehem mondo wane gima osetimore, ma Ruoth osenyisowa kuome ni.”

Luka 2:15 ပူးပေါင်းရင်းမြစ်များ

2 Ruodhi 2:1

E ndalo mane Ruoth Nyasaye dwaro tero Elija e polo gi kalausi, noyudo ka Elija gi Elisha josewuok Gilgal.

2 Ruodhi 2:11

To kane pod giwuotho, kendo giwuoyo, gari mar mach gi farese mag mach nobiro, mopogogi, kendo Elija noidho gi kalausi nyaka e polo.

Zaburi 111:2

Mano kaka gik ma Ruoth Nyasaye timo lich miwuoro! Ji duto mohero timbenego dwaro ng’eyo tiendgi.

Wuok 3:3

mi nowacho niya, “Nyaka adhi machiegni mondo ane ane hono maduong’ni. Ang’o momiyo bungu liel aliela to ok wang’?”

Mathayo 12:42

Chieng’ Bura, Ruoth madhako mar piny milambo nochung’, kendo nodonjnu nikech ne oa kuma bor ahinya mondo obi owinj rieko Solomon. To awachonu ni koro nitie gimoro kaeri man gi duong’ moloyo Solomon.

Luka 2:14

“Duong’ obed ni Nyasaye e polo malo, kendo kue obedi e piny, ni joma Nyasaye oyiero!”

Luka 2:16

Kuom mano ne giwuok gidhi ka gireto, mi ginwang’o Maria gi Josef, kod nyathi makwar kopiel e sanduk mimiyoe dhok chiemo e kisika dhok.

Luka 24:51

To kane oyudo oguedhogi kamano, ne opogore kodgi, kendo noting’e malo odhi e polo.

1 Petro 3:22

ma osedhi e polo, mi obet e bat korachwich mar Nyasaye, gi ruodhi mag polo duto, kendo kuom teko duto.