Luka 19:47 - MUMA MALER 2015

⁴⁷ Ne opuonjo e Hekalu pile, to jodolo madongo gi jopuonj Chik kod jodong oganda ne dwaro nege.

Motingʼo Loko Manyien

⁴⁷ Ndalo ka ndalo nopuonjo e hekalu. To jodolo madongo, jopuonj chik kod jotelo mag ji netemo mondo ginege.

Luka 19:47 ပူးပေါင်းရင်းမြစ်များ

Mathayo 21:23

Kane Yesu ochako odonjo e Hekalu, jodolo madongo kod jodong oganda nobiro ire kane oyudo opuonjo, mopenje niya, “Ere teko ma in-go, momiyo itimo gik makamagi? Koso ng’ama omiyi teko mar timogi?”

Mathayo 26:55

Sa nogo Yesu nowacho ni oganda mane obirono niya, “Ere gima omiyo ubirona gi ligengni kod arunge, ka joma dwaro jamecho? Pile yande abet ka apuonjo e Hekalu, to ne ok umaka.

Mariko 11:18

Jodolo madongo kod jopuonj Chik nowinjo wachno, omiyo ne gidwaro yo ma diginegego, nimar ne giluore, nikech ji duto ne wuoro puonjne.

Mariko 12:12

Kane jotend jo-Yahudi owinjo wechego, ne gidwaro mondo gimak Yesu, nikech ne ging’eyo ni ogoyo ngerono kuomgi. To ne giluoro oganda mane ni kanyo, omiyo ne giweye mi gidhi.

Mariko 14:1

Koro ne odong’ ndalo ariyo to chop Sap Pasaka kod Sap Makati ma ok ketie Thowi. To jodolo madongo kod jopuonj Chik ne dwaro yo ma digimakgo Yesu ling’ling’ mondo ginegi,

Mariko 14:49

Pile yande an kodu kapuonjo e Hekalu, to ne ok umaka. To gima kama otimore mondo wach ma ondiki e Muma ochop kare.”

Luka 19:48

To ne ok ginyal yudo yo mar timo kamano, nikech ji duto nosiko kawinjo puonjne, ka ok gidwar ni mondo kata mana wach achiel okadh mak owinjo.

Luka 20:19

Jopuonj Chik kod jodolo madongo notemo mondo omak Yesu gikanyono, nikech ne ging’eyo ni osegoyo ngerono mana kuomgi, to kata kamano ne giluoro ji mane ni kanyo.

Johana 10:39

Kane giwinjo wachno, ne gitemo make kendo, to nopondo motony.

Johana 18:20

To Yesu nodwoke niya, “Pile asewuoyo ratiro e nyim piny duto. Asebedo ka apuonjo kuonde lemo, kendo e Hekalu, ma jo-Yahudi duto chokoree, bende pok awacho gimoro ling’ling’.

Johana 7:19

Donge Musa nomiyou Chik, to onge kata ng’at achiel kuomu morito? Ka ok kamano, to ang’o momiyo udwaro nega?”

Johana 7:44

Jomoko kuomgi ne dwaro make, to onge ng’at mane otimo kamano.