Luka 19:38 - MUMA MALER 2015

³⁸ Ne giwacho niya, “Oguedh Ruoth mabiro e nying Ruoth Nyasaye! Kue obedi e polo, kendo duong’ obedi e polo malo.”

Motingʼo Loko Manyien

³⁸ “Ogwedh Ruoth mabiro e nying Jehova Nyasaye!” “Kwe obedi e polo, kendo duongʼ obed e polo malo!”

Luka 19:38 ပူးပေါင်းရင်းမြစ်များ

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Mathayo 2:2

mopenjo niya, “Ere jalo monywol mondo obed ruodh jo-Yahudi? Ne waneno suluene kowuok yo wuokchieng’, omiyo wabiro mondo wamiye duong’.”

Mathayo 21:9

Joma notelo nyim Yesu, kod joma ne luwo bang’e nokok niya, “Duong’ obed ni Wuod Daudi! Ogwedh ng’ama biro e nying Ruoth! Duong’ obed ni Nyasaye e polo malo!”

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Luka 13:35

Koro dalau biro dong’ gunda. Awachonu ni chakre kawuono ok unuchak unena kendo, nyaka kinde chopi ma unuwachie ni, ‘Ogwedh ng’ama biro e nying Ruoth.’ ”

Jo-Rumi 5:1

Kaka osemi wabet e winjruok gi Nyasaye nikech wayie, koro wan gi kue kod Nyasaye kuom Yesu Kristo Ruodhwa.

Jo-Efeso 1:12

Notimo kamano mondo wan jo-Yahudi mane wakuongonu geno kuom Kristo, un joma ok jo-Yahudi, wami ji opak duong’ne maler.

Jo-Efeso 1:6

Ne otimo kamano mondo ji opak ng’wonone man gi duong’ mane otimonwa kuom Wuode mohero.

Jo-Efeso 3:10

mondo koro kuom kanyakla mar jo-Kristo, omi joloch gi weg teko manie polo ong’e riekone mathoth mopogore opogore.

Jo-Efeso 3:21

Ee, duong’ obedne e kanyakla mar jo-Kristo, kendo kuom Kristo Yesu e tienge duto nyaka chieng’. Amin.

Jo-Kolosai 1:20

Ne oyiero mondo omi gik moko duto obed gi winjruok kode kuom Kristo, kokelo kue kuom remb Wuode mane ochuer e msalaba. Adier, Nyasaye nomiyo gik moko duto manie polo kod manie piny obedo gi winjruok kode kuom Kristo, koda ka un bende.

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

1 Petro 1:12

Ne onyisgi ni tich koro mane gitiyo ne ok giti ni gin giwegi, to ne gitiyo mana ni un, kendo koro joland wach mane okelonu Injili kuom teko mar Roho Maler mane oor koa e polo, osehulonu wechego ratiro. Gin e weche ma kata mana malaika bende gombo ng’eyo ahinya.