Luka 18:7 - MUMA MALER 2015

⁷ Koro donge Nyasaye nong’ad bura kare ni joge moyier, maywakne odiechieng’ gotieno? Uparo ni dodeki mak okonyogi koso?

Motingʼo Loko Manyien

⁷ To donge Nyasaye biro ngʼado bura kare ni joge moyier, maywakne odiechiengʼ gi otieno? Bende obiro tamore ma ok owinjogi?

Luka 18:7 ပူးပေါင်းရင်းမြစ်များ

Zaburi 88:1

A Ruoth Nyasaye ma Jawarna, aywakni odiechieng’ gotieno duto pile.

Zaburi 9:8

Orito piny gi adiera, kendo ong’ado ni ji bura kare.

Wuok 22:23

Ka uthagogi, mi giywakna mondo akonygi, to anawinjgi,

Isaya 40:27

Un jo-Israel ma nyikwa Jakobo, ere gima omiyo ung’ur, kuwacho niya, “Ruoth Nyasaye ok ne yorewa, kendo ok ong’adnwa bura maber”?

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Mathayo 24:22

Ka dine Nyasaye ok osechano mondo ong’ad kar romb ndalogo, to onge ng’ama dotony. To Nyasaye nong’ad ndalogo nikech joma oyiero.

Mathayo 24:24

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Mathayo 7:11

Koro, ka un joma richo kama ema ung’eyo miyo nyithindu gik mabeyo, to Wuonu mae polo donge dibed mamor kuom chiwo gik moko mabeyo ni joma okwaye?

Luka 11:13

Koro ka un joma richo kama, ema ung’eyo miyo nyithindu gik mabeyo, to Wuonu mae polo donge dibed mamor moloyo kuom chiwo Roho Maler ni joma okwaye?”

Luka 2:37

to bang’e nobet chi liel nyaka odoko ja higni piero aboro gang’wen. Ne osiko komiyo Nyasaye duong’ e Hekalu odiechieng’ gotieno, kotueyo chiemo kendo olemo.

Luka 21:28

Ka gigo ochako timore, to chung’uru tir, kendo ting’uru wiu, nikech warruok maru okayo machiegni.”

Jo-Rumi 8:33

Ng’ano ma didonj ni joma Nyasaye oseyiero, ka Nyasaye ema osemiyo gibet e winjruok kode?

Jo-Kolosai 3:12

Emomiyo, kaka Nyasaye oseyierou mondo ubed joge owuon mohero, nyaka ubed gi miwafu, gi ng’wono, gi bolruok, gi muolo kod horuok.

1 Jo-Thesalonika 3:10

Walemo matek ahinya odiechieng’ gotieno ni mondo waneu wang’ gi wang’ kendo wakelnu gimoro amora ma yieu oremo.

2 Jo-Thesalonika 1:6

Adier, kaka Nyasaye en ng’ama kare, enosand joma sandou,

1 Timotheo 5:5

Chi liel hiehie en chi liel modong’ kende, maonge watne moro, en ogeno mana Nyasaye, kendo osiko kolemo, kendo osayo Nyasaye odiechieng’ gotieno.

2 Timotheo 1:3

Alemoni pile, odiechieng’ gotieno, kendo ka alemo to agoyo erokamano ni Nyasaye ma atiyone ka parona liw, kaka kwerena bende notiyone.

2 Timotheo 2:10

Mano emomiyo adhil e weche duto nikech joma Nyasaye oseyiero, mondo gin bende giyud warruok man kuom Kristo Yesu, kod duong’ne mochwere.

Tito 1:1

An Paulo, ma misumba Nyasaye, kendo jaote Yesu Kristo, ema andiko baruani. Nyasaye ne oora mondo ajiw yie mar joma Nyasaye oyiero obed motegno, kendo mondo apuonjgi adiera mamiyo giluoro Nyasaye,

1 Petro 1:1

An Petro, jaote mar Yesu Kristo, andikonu un jo-Nyasaye moke e pinje mag Ponto gi Galatia gi Kapadokia gi Asia kod Bithunia, kuma untie ka jodak.

2 Petro 3:9

To kik upar ni Ruoth odeko kuom timo gima osesingore ni obiro timo kaka jomoko paro. Ooyo, ohorenu mos kapod orito, nikech ok odwar ni mondo ng’ato olal, to odwaro ni mondo ji duto olokre owe richogi.

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!

Fweny 6:10

Ne gikok matek niya, “Yaye, Ruoth Maler kendo Maradiera! Nyaka karang’o mapod ibiro bet ka ok ing’adoe bura ni joma odak e piny, kichulo kuor kuom rembwa?”

Fweny 7:15

Mano emomiyo gin e nyim kom duong’ mar Nyasaye, ka gilame odiechieng’ gotieno e Hekalune, kendo Jal mobet e kom duong’ biro dak kodgi.