Luka 18:30 - MUMA MALER 2015

³⁰ noyud gik mang’eny e pinyni, moloyo mago moseweyo. To e piny mabiro noyudie ngima mochwere.”

Motingʼo Loko Manyien

³⁰ ma ok norem mak oyudo nyadi mangʼeny marome e tiengʼni kendo e tiengʼ mabiro, noyud ngima mochwere.”

Luka 18:30 ပူးပေါင်းရင်းမြစ်များ

Ayub 42:10

Kane Ayub oselemo ni osiepene adekgo kamano, Ruoth Nyasaye ne omiyo ochako obet maber, mi odwokone gik mane en go, nyadiriyo moloyo mokwongo.

Zaburi 119:103

Mano kaka chikeni mit. Adier, gimit moloyo mor kich!

Zaburi 119:111

Chikeni gin mwanduna mosiko, kendo gin ema gimiyo chunya mor.

Zaburi 119:127

Ahero chikeni moloyo dhahabu malerie moloyo.

Zaburi 119:162

Singruokni miya mor manadi! Amor mana ka ng’ama oyako mwandu mathoth!

Zaburi 119:72

Chik mawuok e dhogi berna. Moloyo fedha gi dhahabu mogundho.

Zaburi 37:16

Gik matin ma ng’at maber nigo, oloyo mwandu mathoth ma joma timbegi richo nigo,

Mathayo 12:32

Ng’at mowacho wach moro marach kuom Wuod Dhano, to owene, to ng’at mowuoyo marach kuom Roho Maler ok nowene e pinyni kata e piny mabiro.

Mathayo 4:24

Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.

1 Timotheo 4:8

Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.

1 Timotheo 6:6

To chutho, lamo Nyasaye nyalo keloni ng’ato ohala, to mana ka gik ma en-go orome.

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.

Fweny 3:21

To ng’at molocho anami bed koda e kom duong’na, mana kaka an bende ne alocho, mi abet kod Wuora e kom duong’ne.