Luka 17:27 - MUMA MALER 2015

²⁷ Ji duto nosiko chiemo achiema kendo metho. Chwo ne kendo, kendo nyiri bende ne dhi tedo, nyaka nochopo chieng’ mane Nowa odonjo e yie, mi pi oimo piny, motieko ji pep.

Motingʼo Loko Manyien

²⁷ Ji ne chiemo kendo metho, chwo ne kendo bende nyiri ne ikendo nyaka nochopo odiechiengʼ mane Nowa odonjo e yie. Eka pi mar ataro nobiro motieko ji duto.

Luka 17:27 ပူးပေါင်းရင်းမြစ်များ

Chakruok 7:23

Nyasaye ema notieko gik mangimago duto. Dhano gi jamni gi le kod winy, duto notho e piny ngima. Nowa kende gi joma ne ni kode e yie ema nokwo.

Chakruok 7:7

Nodonjo e yie gi chiege kod yawuote gi mond yawuote mondo gikwo.

Isaya 21:4

Dhoga nomoko kendo natetni ma ok anyal konyo. Ne asegeno ni abiro yueyo godhiambo, ka chieng’ opodho, to kindeno nolokorena mana masira.

Isaya 47:11

Kuom mano masira biro maki, kendo ok ning’e kaka dithiedhri. Adier, masira biro nyori, kendo ok ning’e misango minyalo geng’ego. Ee, masira biro poyi, mi tieki pep!

Mathayo 22:30

Bang’ chier, ji ok nokendre, to ginichal gi malaika manie polo.

Luka 17:26

Kaka notimore e ndalo Nowa, e kaka notimre e ndalo Wuod Dhano.

Luka 17:28

Kamano bende, kaka notimore e ndalo mag Lut, e kaka notimre chieng’ ma Wuod dhano biroe. Ji ne chiemo kendo metho. Ne ging’iewo, kendo ne giloko ohala, bende ne gichwoyo, kendo gigedo.

1 Samuel 30:16

Kamano notelo ni Daudi gi joge, mi ne giyudo jo-Amalek koke e pap. Jo-Amalekgo ne chiemo kendo metho, ka gimor nikech mwandu mang’eny mane gipeyo e piny jo-Filistia, kendo e piny Juda.