Luka 17:25 - MUMA MALER 2015

²⁵ To mokwongo nyaka one masiche mang’eny, kendo tieng’ ma kawuononi nyaka dage.

Motingʼo Loko Manyien

²⁵ To mokwongo nyaka one masiche mangʼeny, kendo tiengʼni nodage.

Luka 17:25 ပူးပေါင်းရင်းမြစ်များ

Isaya 53:3

Ji ne ojare, kendo okwere. Ne ne ng’at ma neno chandruok, kendo mong’iyo gi rem. Adier, ne wajare, mi wakwane ka gima nono, ma, ka ng’ato oneno, to loko wang’e kucha.

Mathayo 16:21

Chakre kindeno, Yesu nochako nyiso jopuonjrene malong’o niya, “Nyaka adhi Jerusalem mondo jodongo gi jodolo madongo kod jopunj Chik osanda, kendo onega, to chieng’ mar adek anachier.”

Mathayo 21:42

Eka Yesu nopenjogi ni, “Pok usomo e Muma niya, ‘Kidi mane jogedo odagi, ema koro osedoko kidi motegno moriwo kor ot. Mano en tich Ruoth Nyasaye, kendo en gima lichnwa miwuoro’?

Mariko 10:33

Ne owachonigi niya, “Winjuru! Koro wadhi Jerusalem, kuma ibiro chiwie Wuod Dhano e lwet jodolo madongo kod jopuonj Chik. Gining’adne buch tho, mi gikete e lwet joma ok jo-Yahudi.

Mariko 12:10

Nyaka bed ni usesomo e Muma ni, ‘Kidi mane jogedo odagi, ema koro osedoko kidi motegno moriwo kor ot.

Mariko 8:31

Bang’ mano, Yesu nochako puonjo jopuonjrene kawacho niya, “Wuod Dhano nyaka ne masiche mang’eny, kendo jodongo gi jodolo madongo kod jopuonj Chik nyaka dage. Enonege, to bang’ ndalo adek nochier.”

Mariko 9:31

nikech nopuonjo jopuonjrene. Nowachonigi niya, “Ibiro chiwo Wuod Dhano e lwet ji mi gininege, to bang’ ndalo adek enochier.”

Luka 18:31

Yesu nokawo jopuonjrene apar gariyo, motero kar kendgi, mi owachonogi niya, “Winjuru! Koro wadhi Jerusalem, kuma gik moko duto mane jonabi ondiko kuom Wuod Dhano biro timoree adier.

Luka 18:33

Bende ginichwade, kendo gininege, to chieng’ mar adek enochier.”

Luka 24:46

kendo nowachonigi niya, “Ondiki e Muma ni Mesia nyaka sandi, mi chier kuom joma otho chieng’ mar adek,

Luka 9:22

Bende nowachonigi niya, “Wuod Dhano nyaka yud masiche mang’eny, kendo jodongo gi jodolo madongo kod jopuonj Chik biro dage. Enonege, to chieng’ mar adek nochier.”

Johana 1:11

Nobiro e pinye, to joge ne ok orwake.

Johana 12:38

Mano nobet kamano mondo gima ne Isaya janabi okoro otimre. Isaya nosewacho niya, “Ruoth, ere ng’ama oseyie wach mwalando? Koso ere ng’ama Ruoth Nyasaye osenyiso tekone?”

1 Samuel 10:19

To un koro usedagi Nyasachu, ma noresou e masicheu, kod chandruoku duto, kendo usekwaye mondo oketnu ruoth. Emomiyo koro chung’uru e nyim Ruoth Nyasaye, kuchanoru e libembni mau, kendo e dhoutu.”

1 Samuel 8:7

to Ruoth Nyasaye nowachone niya, “Winj gima ji wachoni. Ok in ema gidagi, to an ema gisedaga, ni kik abed ruodhgi.