Luka 16:8 - MUMA MALER 2015

⁸ “Jamokono nopako jarit gige ma ok kareno kuom riekone, kendo en adier ni joma ok ong’eyo Nyasaye tiyo gi jowadgi gi rieko moloyo rieko ma joma ong’eyo Nyasaye tiyogo gi jowetegi.”

Motingʼo Loko Manyien

⁸ “Ruoth nopako jarit gige ma ok kareno nikech notiyo gi rieke. Nimar jopinyni ongʼeyo tiyo mariek gi jowadgi moloyo jogo mawuotho e ler.

Luka 16:8 ပူးပေါင်းရင်းမြစ်များ

Chakruok 3:1

Thuol ne riek moloyo le duto mane Ruoth Nyasaye osechueyo. Nopenjo dhako niya, “Bende en adieri ni Nyasaye nowacho ni kik ucham olemb yath moro amora manie puodhoni?”

2 Samuel 13:3

To Amnon ne nigi osiepne moro ma rieke ng’eny ahinya, ma nyinge Jonadab, wuod Shimea owadgi Daudi.

2 Ruodhi 10:19

Omiyo luongnauru jonabi duto mag Baal gi ji duto malame kod jodolo mage. Kik ng’ato dong’ kata achiel, nikech adwaro timo ni Baal liswa maduong’, to ng’ama obare notho!” To Jehu nowuondogi kamano mondo oneg jogo duto mane lamo Baal.

Zaburi 17:14

Ee, resa gi tekoni kuom joma nigi gik moko duto mag pinyni. Kumgi gi masiche ma isechano ni ibiro kumogigo. Mad nyithindgi bende yud kum moromogi, mi moko dong’ ni nyikwagi!

Wuok 1:10

Nyaka watang’, mondo watamgi kik ginya, nimar kapo ni lweny owuok, to kamoro ginyalo dok ni wasikwa, mondo giked kodwa, mi giring gia e pinywa.”

Ngeche 12:8

Ng’at mariek yudo pak. Ng’at maonge rieko to inyiero anyiera.

Mathayo 12:32

Ng’at mowacho wach moro marach kuom Wuod Dhano, to owene, to ng’at mowuoyo marach kuom Roho Maler ok nowene e pinyni kata e piny mabiro.

Mathayo 17:26

Petro nodwoke ni, “Jopinje mamoko ema golo.” Eka Yesu nowachone ni, “Ka kamano, to kara jopinjegi ok onego chul gimoro.

Luka 16:10

Ng’at ma jaadiera kuom gima tin, doko jaadiera kuom gima duong’ bende. Kamano bende, ng’at ma ok jaadiera kuom gima tin ok nyal bedo jaadiera kuom gima duong’.

Luka 16:4

Ero, koro ang’eyo gima abiro timo mondo ji orwaka e miechgi, koseriemba e tich.’

Luka 16:7

Eka nopenjo ng’at machielo niya, ‘In to gopi oromo adi?’ Ng’atno nodwoke ni, ‘Gunde mia achiel mag cham.’ Eka nodwoke ni, ‘Kaw kitapini, indikie ni piero aboro.’

Luka 18:6

Eka Ruoth Yesu nodhi nyime kawacho niya, “Winjeuru gima ne jang’ad bura ma ok kareno owacho!

Luka 20:34

Yesu nodwokogi niya, “Chwo gi mon mae pinyni kendore,

Luka 20:35

to chwo gi mon moyier mondo ochopi e piny mabiro, kendo ochier kuom joma otho, ok kendre.

Johana 12:36

Kapod un gi ler, to yieuru kuom ler, mondo ubed nyithind ler.” Kane Yesu osewacho wechego, nodhi mi opondonigi kar kende.

1 Jo-Korintho 3:18

Kik ng’ato wuondre owuon! Ka ng’ato kuomu galo ni en ng’at mariek, kaka pinyni okwano rieko, to onego obed mofuwo, eka mondo obed mariek adier,

Jo-Efeso 5:8

Chon ne un jomudho, to koro, kaka usedoko jo-Ruoth, un joler. Omiyo nyaka uwuoth ka joma nie ler,

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

1 Jo-Thesalonika 5:5

nimar un duto un nyithind ler, kendo nyithind odiechieng’. Ok wan mag otieno, kata mag mudho.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Johana 3:10

Pogruok manie kind nyithind Nyasaye gi nyithind Satan ong’ere kama: Ng’at ma ok tim gima kare, kata ma ok ohero wadgi, ok en nyathi Nyasaye.